ராஜாவின் பார்வை

மின்சாரம்

2012-02-08T15:33:00.002+05:30

தமிழ்நாட்டில் இன்றிலிருந்து தினமும் 8 மணிநேரம் மின்வெட்டாம். கேட்கவே வயிற்றில் புளியை கரைக்கிறது . 3 மணிநேரம் மின் தடை என்று சொல்லிவிட்டு எங்கள் ஊரில் 8 மணிநேரம் கட் பண்ணினார்கள்.. இப்பொழுது 8 மணிநேரம் என்று சொல்லி பீதியை கிளப்புகிறார்கள் , கண்டிப்பாக குறைந்தது 12 மணிநேரமாவது கரண்ட் இல்லாமல்அல்லாட வேண்டியதுதான்.

இதில் குறிப்பிட்டு சொல்லக்கூடியவிஷயம் , தலைநகரம் சென்னையில் மட்டும்1 மணிநேரம்தான் மின் வெட்டாம் , சென்னைக்குவெளியே இருக்கிறவனெல்லாம் காட்டு மிராண்டிபயலுக என்று நினைத்து விட்டார்கள் போலும். அது ஏன் பாஸ் சென்னை மேல மட்டும் உங்களுக்கு அவ்வளவுபாசம்? மதுரையிலும் , திருநெல்வேலியிலும் தொழில்சாலைகளும் , மனிதர்களும் இல்லையா? எது எப்படியோ முன்பெல்லாம் சினிமாக்காரர்களையும் , அரசியல்தலைவர்களையும் பார்க்க மட்டுமே சென்னைக்கு பஸ் பிடித்துபோய் கொண்டிருந்தோம், இனிமேல் நாங்கஃபேன் சுத்துரதையும் , லைட் எரியிரதையும்பாக்கணும்னா கூட சென்னைக்குதான் வரணும் போல... சரி விவசாயம்பண்ண கரண்ட் இல்லாம , விளைபொருளெல்லாம்கம்மியாகிகிட்டே இருக்கே , சென்னையிலநீங்க வாழ சாப்பாடு எங்க இருந்து பாஸ் வரும்? அதையும் பர்க்கர், பீஸான்னு அமெரிக்கா காரங்கிட்டஇருந்து இறக்குமதி பண்ணுவீங்களோ? மின்சார ரயிலில் இருந்து ஐ‌டி கம்பெனி வரைக்கும்சென்னைக்கு மட்டுமே சொந்தம்னு வாங்கி நீங்க மட்டும் வீங்கிக்கிட்டீங்க, இப்ப மின்சாரமும் உங்களுக்கு மட்டும்தானாம், நீங்க வீங்கிகிட்டே போங்க நாங்க குறைந்து கொண்டேபோகிறோம், தமிழகம் வளர்க்கிறதுன்னுஎல்லாரும் சேர்ந்து கும்மியடிக்கலாம்..

அதேபோல கூடிய விரைவில்இடைதேர்தல் நடக்க போகிற சங்கரன் கோவிலில் மின்வெட்டே இல்லையாம். (இதை கேள்விபட்டதில் இருந்து எங்கஊர் எம்‌எல்‌ஏவ நெறைய பேரு கொலைவெறியோட தேடிக்கிட்டு இருக்கானுக... நாலு பேருக்கு நல்லதுனா என்ன வேணும்னாலும் செய்யலாம்னுகமல் பேசுன வசனம்தான் ஞாபகத்துக்கு வருது..) சங்கரன் கோவில் மக்கள்தான் இப்பதமிழ்நாட்டோட ஒரே நம்பிக்கை . திருமங்கலம் மாதிரி நீங்களும் காசுக்கு ஆசைபட்டு தமிழனோடசுயமரியாதையை அடமானம் வச்சிராதீங்க மக்கா... நாமெல்லாம் ரொம்ப வீரம் நிறைந்தஇனமாம் , உசுரை விட மானம்தான் நமக்கெல்லாம் முக்கியமா இருந்ததாம்... இதெல்லாம் ஒருகாலத்தில்!, ஆனால் இன்று தமிழன் என்பவன் எவ்வளவு பெரிய இளிச்சவாயன் என்பதை இந்த திராவிட காட்சிகள் நாற்பதே வருடத்தில் உலகறிய செய்துவிட்டன.

செக்கு மாடு பார்த்திருக்கிறீர்களா? மாட்டுக்குமுன்னே ஒரு வைக்கோல் கட்டை கட்டி வைத்திருப்பார்கள் , மாடுசுத்த சுத்த அந்த வைக்கோல் கட்டும் சுத்திக்கொண்டே போகும் , மாடும்நாம் இன்னொரு சுத்து சுத்தினால் வைக்கோல் கிடைத்து விடும் என்று எண்ணிசுத்திக்கொண்டே இருக்கும் , அந்த வைக்கோல்கட்டு மின்சாரம் என்றால் செக்கு மாடு யார் என்று நான் சொல்லி நீங்கள் அறிந்துகொள்ளவேண்டியதில்லை.

இணையம் எங்கும் இன்னமும்மின்வெட்டுக்கு காரணம் ஐய்யாவா , அம்மாவாஎன்றுதான் சண்டை போட்டுக்கொண்டிருக்கிறார்களே தவிர யாருமே ஆக்கபூர்வமாக எதுவும் பேசுவதுகூடஇல்லை. பூமியில சொகுசா வாழ்ந்து அலுத்து போய்விட்டது ,அடுத்து செவ்வாய் கிரகத்தில் குடியேறலாமா என்று அயல்நாட்டுகாரன் யோசித்து கொண்டிருக்கும்காலகட்டத்தில் , இங்கே நாம் பூமியிலேயேஅடிப்படை வசதிகள் கூட கிடைக்காமல் வாழ்வதை நினைக்கும் போது ஒரு தமிழனாக, இந்தியனாக நாம் அசிங்கமாகவே உணரவேண்டியதுஇருக்கிறது...

சரி இதற்கு தீர்வாக இருக்கும் என்று சொல்லபடும் கூடங்குளம் அணுமின் நிலையம் பணிகள் எல்லாம் முடிக்கப்பட்டுதிறக்க முடியாமல் இருக்கிறது. காரணம் என்னவென்று நமக்கு இன்னமும் தெளிவாக தெரியவில்லை.மத்திய அரசு இந்த திட்டத்தில் நிறைய ஊழல் செய்து கட்டுமான பணிகள் எதுவும் சரிவர முடிக்கபடாமல்திட்டம் அரைகுறையாக நின்று விட்டதாகவும் , அது வெளியில் தெரியாமல் இருக்க மத்திய அரசே போராட்டக்காரர்களை தூண்டிவிட்டுஇந்த பக்கம் அவர்களுக்கு எதிராக செயல்படுவதை போல காட்டுக்கொள்வதாகவும் சிலர் சொல்லுகிறார்கள்.இன்னொரு புறம் அதிமுக அமைச்சர் ஒருவர் இந்த கூடங்குளத்தை சுற்றி இருக்கும் கனிம வளங்கள்நிறைந்த பகுதிகள் தன் கட்டுபாட்டை விட்டு போய்விட கூடாது என்பதற்காக அம்மாவின் ஆசியோடுபோராட்டத்தை தூண்டி விடுவதாக சிலர் கூறுகிறார்கள். இரண்டில் எதுவேண்டுமானாலும் உண்மையாகஇருக்கலாம் , மக்கள் பாதுகாப்பு ஒன்றுதான்பிரச்சனை என்று இருந்திருந்தால் நம் மத்திய அரசும் , மாநில அரசும் இவ்வளவு நாட்கள் கண்டிப்பாக பொறுத்திருக்காது..இவர்கள் இருந்தால் என்ன செத்தால் நமக்கு என்னவென்று கூடங்குளம் அணுமின் நிலையம் என்றோ திறக்கபட்டிருக்கும்.காரணம் நடப்பது மக்களாட்சி அல்லவா…இங்கே மக்கள்தானே கஷ்டப்பட வேண்டும். அதான்நம் வரிபணத்தில் கோடி கோடியாக செலவழித்து அதில் சில கேடிகள் பல கோடிகளை தங்கள் வாயில் போட்டு விட்டு மிஞ்சிய சில கோடிகளில் அரைகுறையாக கட்டப்பட்ட ஒரு மின் உலை இன்றுஅதே மக்களுக்கு தேவைபடும் வேளையில் , அதே மக்களின் பாதுகாப்பை காரணம் காட்டி நிறுத்திவைக்கபடுவது போன்ற வேடிக்கைகள் எல்லாம் எந்த தடையும்இல்லாமல் நடந்து கொண்டிருக்கிறது.

நம்மால் என்ன செய்ய முடியும், அடுத்த தேர்தல் வரும்போது கடலில்தூக்கி எறிந்த பின்னரும் தன் குடும்பத்தையே சுமந்து கொண்டு கட்டுமரமாகமிதந்து கொண்டிருக்கும் முன்னாள் முதல்வரைமீண்டும் அவர் குடும்பத்தோடு படகில் ஏற்றிக்கொள்ளதான் முடியும். அம்மாவையும் ஐயாவையும் விட்டால் நம்மை காப்பாற்ற (மொட்டைஅடிக்க) வேறு யார் இருக்கிறார்கள்?

சம்சாரம் அது மின்சாரம்னு விசு சரியாத்தான் சொல்லியிருக்காரு , ரெண்டுமே தமிழனுக்கு என்னைக்குமே பிரச்சனைதான்

கிரிக்கெட் - போட்டோ கமெண்ட்ஸ் (தோனி ஸ்பெஷல்)

2012-01-19T12:33:00.000+05:30

இப்ப இருக்கிற நிலமையில் ஆஸ்ட்ரேலியாகாரன் இந்தியா வந்தாலும் இப்படிதான்

நண்பன், வேட்டை - ஒரு பார்வை

2012-01-16T14:34:00.002+05:30

தமிழ் சினிமாவில் நீண்ட நாட்களுக்கு பிறகு குடும்பத்துடன் பார்க்கும்படியான

ஒரு நகைசுவை திரைப்படம் , இதில் ஆச்சரியம் என்னெவென்றால் இந்த

படத்தை இயக்கியிருப்பது ஷங்கர் என்பதுதான். இதுவரை தன்னுடைய

படங்களையே ரீமேக் செய்து கொண்டிருந்தசங்கர் முதல் முறையாக

அடுத்தவரின் திரைப்படத்தை ரீமேக் செய்திருக்கிறார். சுஜாதா இருந்திருந்தால்

அவருக்கு கண்டிப்பாக இந்த நிலை வந்திருக்காது. ஆனால் இதனால் நடந்திருக்கும்

ஒரு நல்ல விஷயம் தமிழுக்கு ஒரு அருமையான திரைப்படம் கிடைத்திருப்பதே. ஷங்கர் இனிமேலாவது ஊழலை ஒழிக்கிறேன் தனிமனித ஒழுக்கத்தை சீற்படுத்துகிறேன் என்று மொக்கை படங்களை எடுக்காமல் ஹிந்தியிலும் வேறு சில மொழிகளிலும் வந்த சிறந்த சில படங்களை தமிழாக்கம் செய்யலாம். அந்த திறமை அவரிடம் நிறையவே இருக்கிறது என்பதை நண்பன் நன்றாகவே எடுத்துரைக்கிறது.பின்னே மொக்கை நடிகர்களும் அதைவிட மொக்கையான இசையமைப்பாளரையும் வைத்து கொண்டு 3 இடியோத்ஸ் மேஜிக்கை அப்படியே இந்த படத்திலும் கொண்டுவந்திருப்பது சாதாரணமான விசயமில்லை. ஷங்கர் அதை சாதித்திருக்கிறாரே.

முதலில் படத்தின் பிளஸ் என்னேவேன்ன என்று பார்ப்போம் இது 3 idiots

படத்தின் ரீமேக் என்பதை விட பெரிய பிளஸ் வேறு எதுவும் இந்த படத்துக்கு தேவையில்லை. அந்த படத்தின் மேஜிக்கில் பாதியை கொண்டுவந்தாலே போதும் படம் கண்டிப்பாக ஹிட். பிரசாந்த் நடித்து பிரபு தேவா இயக்கியிருந்தால் கூட இது சாத்தியமே. ஆனால் அந்த படத்தை நூறு சதவீதம் கொஞ்சம்கூட சிதையாமல் தமிழ்படுத்துவது கொஞ்சம் சவாலான விசயமே. சங்கர் வென்றது இதில்தான். பாடல்களை தவிர வேறு எதிலும் கைவைக்காமல் அப்படியே செராக்ஸ் எடுத்ததும் ஒருவகையில் நல்லதுதான்.படத்தின் ஜீவன் சிதையவில்லை.

இரண்டாவது பிளஸ் ஒரு சில கதாபாத்திரங்களின் தெரிவு. குறிப்பாக சத்தியன் ஜீவா ஸ்ரீகாந்தின் அப்பாவாக வருபவர். சத்தியன் தைரியமாக இதுதான் தன்னுடைய முதல் படம் என்று சொல்லிகொள்ளலாம். ஹிந்தி பட கதாபாத்திரத்தின் உடல் மொழியை இம்மி பிசகாமல் அப்படியே கொண்டுவர முயற்சித்து அதில் ஏறக்குறைய வெற்றியும் பெற்றிருக்கிறார். அடுத்து ஜீவா சிவா மனசு சக்தி படத்தைஒத்த கதாபாத்திரம் , கஷ்டமே இல்லாமல் பட்டைய கிளப்பியிருக்கிறார்.

ஆனால்ஒருசில சீரியஸ்ஷான காட்சிகளில் மட்டும் சொதப்பியிருக்கிறார். ஒரிஜினல் படத்தை விட இந்த படத்தில் சில காட்சிகள் நன்றாக வந்திருகிறது அதில் ஒன்று ஸ்ரீகாந்த் அவர் அப்பாவிடம் மனம் விட்டு பேசும் காட்சி , அந்த காட்சி சிறப்பாக அமைய காரணம் அப்பா கதாபத்திரத்தில் நடித்திருக்கும் நடிகரின் இயல்பான நடிப்பே. ஒரு நடுத்தர குடும்ப தலைவரை அப்படியே கண்முன்னே நிறுத்தியுள்ளார்.

படத்தின் அடுத்த பிளஸ் என்று பார்த்தால் ஒளிப்பதிவு. ஒரிஜினலை அப்படியே சங்கர் கொண்டுவர முடிந்ததில் ஒளிப்பதிவாளரின் பங்கு நிறையவே உண்டு. கண்ணுக்கு குளிர்ச்சியான ஒளிப்பதிவு.

அடுத்து எனக்கு தெரிந்து படத்தின் சில மைனஸ்கள். முதலில் இலியானா , 3 இடியோத்ஸ் படம் பார்க்காதவர்களுக்கு எப்படியோ ஆனால் அந்த படத்தை பார்த்தவர்களுக்கு கரீனா கபூரின் இடத்தில் இவரை நினைத்துகூட பார்க்கமுடியாது பேசாமல் ஷங்கர் இன்னும் ஒரு ஐந்து கோடி அதிகம் செலவு செய்து கரீனா கபூரையே நடிக்க வைத்திருக்கலாம். அந்த கதாபாத்திரத்தில் அவரை யாராலும் ரீ பிளேஸ் செய்ய முடியாது என்பது என்னுடைய தாழ்மையான கருத்து. அடுத்து பின்னணி இசை ,ஹாரிஸ் இந்த படத்துக்கு ரீ ரெகார்டிங் செய்வதற்கு முன் பழைய இளையராஜா-பாலுமகேந்திரா , இளையராஜா-மகேந்திரன் கூட்டணி படங்களை ஒருமுறை பார்த்துவிட்டு அதில் வரும் பின்னணி இசையை அப்படியே இன்றைய காலத்திருக்கு ஏற்றவாறு மாற்றி போட்டிருக்கலாம். படம் பல இடங்களில் ஒரிஜினலை விட ஒரு படி கீழே இறங்க காரணம் இவரின் பின்னணி இசையே.

மூன்றாவது மைனஸ் என்னவென்று நான் இங்கே எழுதினால் பின்னூட்டத்தில் ஒரு கும்பல் என்னை சராமரியாக கெட்ட வார்த்தைகளால் திட்ட வாய்ப்பு அதிகம் என்பதால் அமீர்கானிடம் மன்னிப்பு கேட்டு கொண்டு அதை உங்கள் யூகத்துக்கே விட்டு விடுகிறேன். அமீர்கான் சங்கரோடு சேர்த்து என்னையும் மன்னிப்பாராக. எப்பொழுதும் தூங்கி எழுந்ததை போன்று இருக்கும் முக அமைப்பை சங்கர் எப்படி கவனிக்காமல் விட்டாரோ தெரியவில்லை .கேமராவை பார்க்காமல் வேறு எதையோ பார்த்து கொண்டு பேசினால் அமீர்கானின் உடல் மொழி வந்து விடும் என்று யார் சொல்லிகொடுத்தார்கள் என்று தெரியவில்லை பல காட்சிகளில் அந்த கதாபாத்திரம் அப்படிதான்திரையில் பேசுகிறது.ஒரு இருபது வருடங்களுக்கு முன்னால் இதேபடம் கார்த்திக் நடிப்பில் வெளிவந்திருந்தால் எப்படி இருந்திருக்கும் இந்த படத்தில் அமீர்கானை ரீபிளேஸ் செய்ய கூடிய ஒரே ஆள் அந்த பழைய கார்த்திக் மட்டுமே.... ஆனால் இந்த படத்தின் ஒரே ஆறுதல் படத்தின் கதாநாயகன் ஓவர் பில்ட்அப் எதுவும் இல்லாமல் அடக்கி வாசித்திருப்பதே. இமேஜ் பார்க்காமல் எல்லோரிடமும் அடிவாங்கியதை கண்டிப்பாக பாராட்டலாம்.

அடுத்தடுத்து என்ன நடக்க போகிறது என்று தெரிந்திருந்தாலும் அதை தமிழில் பார்க்க போகிறோம் என்பதால் ஒரு சுவாரஷ்யம் இருந்துகொண்டேதான் இருந்தது , எனவே 3இடியோத்ஸ் பார்த்தவர்களுக்கும் இந்த படம் போர் அடிக்காது என்பது படத்தின் வெற்றிக்கு பக்கபலமான விசயமே

மொத்தத்தில் நண்பன் ஷங்கரின் "optimal remake "....

தமிழ் சினிமாவில் சில இயக்குனர்கள் மட்டும் தங்கள் தகுதிக்கு மீறி புகழபடுகிரார்கள். அதில் முதன்மையானவர் கௌதம் மேனன் அடுத்த இடம் சேரன் , அந்த லிஸ்டில் லிங்குசாமிக்கும் இடம் உண்டு . சண்டைகொழியோடு அவருக்கு சரக்கு தீர்ந்து விட்டது என்பதை பீமா , பையா படங்களை பார்த்தால் புரியும். ஆனால் இன்னமும் எனக்கு திறமை இருக்கிறது என்று பிடிவாதமாய் அவர் இயக்கி இருக்கும் படம்தான் வேட்டை. வறட்டு பிடிவாதம் என்னவாகும் என்பதற்கு வேட்டை ஒரு நல்ல உதாரணம்.

குடியிருந்த கோயிலில் இருந்து அட்டகாசம் வரை பல ஹீரோக்களுக்கு கைகொடுத்த ஆள்மாறாட்ட கதைதான் வேட்டையும்.

ரௌடிங்க ஆள் வச்சி அடிக்கும் பொது போலீஸ்ஆள் வச்சி அடிக்க கூடாதா

என்ற சுவாரஷ்யமான ஒருவரிதான் முதல் பாதி. அடுத்தடுத்தசுவாரஷ்யமான

காட்சியமைப்புகளால் கலகலப்பாக போகிறது முதல்பாதி. அதுவரை வில்லன்களை

வேட்டையாடியபடம் , இடைவேளை முடிந்தவுடன் வில்லன் ஆள்மாராட்டத்தை

கண்டிபிடித்தவுடன்பார்க்கும் நம்மை வேட்டையாட ஆரம்பித்து விடுகிறது.

மாதவனுக்கு தைரியம் வர வேண்டும் என்பதற்காக ஆர்யா அடிவாங்கும் காட்சி,

ஒரு வீடியோகேமராவைவைத்துகொண்டு வில்லன் ஆள்மாராட்டத்தை

கண்டுபிடிக்கும் காட்சி , பாதிக்கப்பட்ட போலீஸ்காரரை வைத்தே வில்லனின்

அடியாளை போட்டு தள்ளும்காட்சி , வீட்டுக்குள் ரௌடிகள் நுழைந்ததும்

சமீரா எனக்கு வலித்தாலும் பரவாயில்லை ஒருத்தனும் வீட்டை விட்டு

உயிரோடு போககூடாது என்று வசனம் பேசும் காட்சி என்று படத்தில் வயிறு

குலுங்க சிரிக்க நிறைய காட்சிகள்.

யுவனின் பாடல்கள் சுமார் ரகம். பையாவில் தன உழைப்பை கெடுத்த லிங்குவை

வேட்டையில் நன்றாகவே பலி வாங்கிவிட்டார் என்று நினைக்கிறேன். பப்பரப்பா

பாடல் படமாக்கிய விதம் யுடுப்பில் பார்த்த அளவுக்கு கூட சுவாரஷ்யமாக இல்லை.

பின்னணி இசையில் யுவன் தான் இளையராஜாவின் வாரிசு என்பதை நிரூபித்து இருக்கிறார்.

மொக்கை காட்சிகளுக்கும் ஒரு பரபரப்பை உருவாக்கியிருக்கிறது அவரின் பின்னணி இசை.

படத்தின் பெரிய குறை திரைகதை. அதுவும் இரண்டாம் பாதியில் திரைகதை மொத்தமாக கவிழ்ந்து விட்டது.
பீமாவும் பையாவும் எச்சரிக்கை மணி அடித்தும் கண்டுகொள்ளாத லிங்குசாமி என்னும்

இயக்குனருக்கு சாவு மணி அடித்திருக்கிறது இந்தவேட்டை .

டிஸ்கி -எவ்வளவோ முயன்றும் அளிஞ்மென்ட் சரியாக வரவில்லை .... உங்கள் பொறுமையை சோதித்திருந்தால் மன்னிக்கவும்

அஜித் 2011

2012-01-13T14:39:00.000+05:30

மீண்டும் இது போன்றஒரு வருடம் அஜீத்திற்கும் அவர் ரசிகர்களுக்கும் உடனே அமையுமா என்று தெரியவில்லை, ஆனால் ஒரு அஜீத் ரசிகனாகஒவ்வொரு ஆண்டும் இதே போன்றே அமையவேண்டும் என்று விரும்புகிறேன். சென்ற வருடம்தமிழ் சினிமாவில் எல்லா நடிகர்களும்தோல்வி என்னும் வேதனையில் தத்தளித்து கொண்டிருக்கசெய்ததெல்லாம் சாதனையாக அமைந்த ஒரே நடிகர் தல மட்டுமே...

நான் படிக்கவில்லை , என் ரசிகர்கள் படிக்க வேண்டும் என்று ஆசைபடுகிறேன்

தமிழ் சினிமாவில் தனக்கு ரசிகர்மன்றங்கள் அதிகம் அமைந்தவுடன் அரசியலில்இறங்கி அவர்களையெல்லாம் ஓட்டுகளாக மாற்றி கோடிக்கணக்கில் கல்லாகட்டும் ஆசையோடு இயக்கம் , கட்சிஎன்று ரூட் போட்டு முதல்வர் கனவோடு அலையும் காலத்தில் , என் படம் நன்றாக இருந்து அதை என் ரசிகர்கள் பார்த்தால் போதும் , வேறுஎதுவும் அவர்கள் எனக்காக செய்ய வேண்டாம், குறிப்பாகரசிகர் மன்றம் என்ற பெயரில் அவர்கள் எனக்காகதங்கள் வாழ்க்கையை கெடுத்து கொள்ளவேண்டாம், நான் படிக்கவில்லை என்ரசிகர்கள் அனைவரும் நன்றாக படித்து நல்ல நிலைக்கு வரவேண்டும் என்று ஆசைபடுகிறேன்என்று இதுவரை தமிழ் சினிமாவில் எந்த நடிகரும் செய்ய துணியாத ஒரு விஷயத்தை செய்தார். தன்ரசிகர் மன்றத்தை எல்லாம் கலைத்து விட்டார். இது பற்றி நான் விரிவாக எழுதிய ஒருபதிவு இதோ.... 2011 இல் தல செய்த முதல் சாதனை இது. மேலோட்டமாக பார்த்தால் இதில்என்ன சாதனை இருக்கிறது என்று தோன்றும். எல்லாமுமே விளம்பரம் என்று மாறி விட்ட இந்தகாலகட்டத்தில் , ஊர் ஊருக்கு தனக்கு போஸ்டர்அடித்து , தோரணம் கட்டி , தன்பிறந்த நாளை விமரிச்சையாக கொண்டாட ஆள் இருந்தால்யாருக்குதான் கசக்கும். உங்கள் பின்னால் அப்படி ஒரு கூட்டம் இருந்தால் யோசித்துபாருங்கள், அதை ஒரேயடியாக இழக்க நீங்கள்விரும்புவீர்களா? கஷ்டப்பட்டு ஒரு கட்சிஆரம்பித்து , படிபடியாக முன்னேறி ஆட்சியைபிடிக்கும் வலிமையோடு இருக்கும் நிலையில் தன் தொண்டர்களின் நலனுக்காக அந்த கட்சி தலைவர் கட்சியை கலைப்பதற்க்கு சமமான செயல் இது... அப்படிபட்ட செயலை செய்ய ஒரு மனவலிமை கண்டிப்பாக வேண்டும். அது எங்கள் தலைக்கு நிறையவே இருக்கிறது. அந்தமனவலிமையைவிட தன் ரசிகர்கள் மீது ஒரு அதீத நம்பிக்கை வேண்டும். அந்த நம்பிக்கையும்அவருக்கு நிறையவே இருக்கிறது. காரணம் அவர் ரசிகர்கள் வருங்காலத்தில் அவர் கட்சி ஆரம்பிப்பார், நாமும்அதில் சேர்ந்து ஒரு எம்‌எல்‌ஏவோ , எம்‌பியோ , சேர்மெனோ , வார்டு கவுன்சிலராகவோ ஆகிவிடலாம் என்று சுய ஆதாயத்துக்காகஅவருக்கு மன்றங்கள் ஆரம்பிக்கவில்லை. அவரை ஒரு வழிகாட்டியாக கொண்டே தங்களைமன்றங்களில் இணைத்து கொண்டவர்கள். எனவே அவர் எவ்வழியில் செல்கிறாரோ அதுவோஅவர்களுக்கும் வழி. மங்காத்தாவின்மாபெரும் வெற்றியே அவர்கள் தங்கள் தலைவன் மேல்வைத்திருக்கும் அன்பிற்க்கு பெரிய உதாரணம்.

கிங் ஆப் ஒபெனிங்க் டூ எம்பெரர் ஆப் ஒபெனிங்க்

இந்த வாரம் ஒருபெரிய இயக்குனரின் இயக்கத்தில் ஒரு பெரிய நடிகர் நடித்து ஒரு படம் வெளிவந்தது. ஆனால் திரையரங்கின் உள்ளே வெறும் ஐம்பது நபர்கள்மட்டுமே அமர்ந்திருக்கிறார்கள் என்று பார்த்த நண்பர் ஒருவர் கூறினார்.இத்தனைக்கும் அந்த படம் ஏற்கனவே ஹிந்தியில் வெளிவந்து மாபெரும் வெற்றிகண்ட ஒருபடத்தின் தழுவல். இத்தனை அம்சங்கள் இருந்தும் அரங்கில் கூட்டம் இல்லை , ஆனால் மங்காத்தா வெளிவந்த நாளில் அஜீத்என்னும் ஒரு மந்திரசொல்லால் திரையரங்கில் கூடிய கூட்டம் ஒரு புதிய வரலாறேபடைத்தது. ரஜினியின் எந்திரனுக்கு நிகரான ஒபெனிங்க் அது. பாசத்தை வெளிபடுத்தமன்றங்கள் தேவையில்லை என்று மற்ற நடிகர்களுக்கு பாடம் சொல்லிக்கொடுத்தது அன்றுமங்காத்தா காட்டிய ஒபெனிங்க். அதுவரை கலையுலகில் கிங் ஆப் ஒபெனிங்க் என்றுசொல்லபட்டு வந்த அஜித் ஒரே படத்தில் எம்பெரர் ஆப் ஒபெனிங் ஆனார். எப்பொழுதும் பேனர் , போஸ்டர் , பாலாபிசேகம் என்று களை கட்டும் ஒபெனிங்க் ஷோவில் அன்றுஇவை எதுவுமே இல்லை , ஆனால்அதையெல்லாம் விட அமோகமாக திரையரங்கினுள் ஒரு திருவிழாவே நடத்தி காட்டினார்கள் தலரசிகர்கள். சாமியை பார்த்தாலே ருத்ரதாண்டவம் ஆடும் பக்தன் ஒருவன் முன்னாள் அந்தசாமியே ருத்ரதாண்டவம் ஆடினால் அவன் நிலமை எப்படி இருக்கும் , அப்படித்தான் இருந்தது அன்று தல ரசிகர்களின் நிலமையும்திரையில் ருத்ரதாண்டவம் ஆடிய தலயை பார்த்து.

மங்காத்தாவின் மாபெரும் வெற்றி

தமிழகத்தில் மட்டும் இல்லை ,படம் எங்கெல்லாம் வெளியாகியதோ அங்கெல்லாம் அமோக வெற்றி பெற்ற படம் எந்திரனுக்குபிறகு மங்காத்தா மட்டுமே. சென்ற வருடம் வந்த சில படங்கள் அவ்வளவு வசூல் , இவ்வளவு வசூல் என்று அந்த படத்தின் தயாரிப்பாளர்களாலும் ,ஹீரோக்களின் சிள்வண்டு ரசிகர்களாலும் அடித்து விடபட்டது .. தீபாவளிக்கு வந்த ஒரு மரண மொக்கையை கூட அந்தஹீரோவின் ரசிகர்கள் முதல் நாளே 10 கோடி வசூல் இருபது கோடி வசூல் என்று பினாத்திகொண்டு அலைந்தார்கள் ... அவர்களின் பினாத்தல்களுக்கெல்லாம் ஒரே காரணம், மங்காத்தாவில் தல ஆடிய வசூல் ருத்ரதாண்டவம். படத்தை வெளியிட்ட சன் பிக்சர் நிறுவனம் படத்தின்மொத்த வசூல் 130 கோடி என்று அதிகாரபூர்வமாக வெளியிட்டது. அஜித்தின் போட்டியாளர்என்று சொல்லபடும் ஒரு நடிகர் நடித்து சென்ற வருடம் வெளிவந்த இரண்டு படங்களும் சேர்ந்தே அவ்வளவு வசூலைகொடுத்திருக்காது. தமிழ் நாட்டில் மட்டும் இல்லை ஆந்திரா , கேரளாஎன்று பிற மொழிகளிலும் அந்த மொழிபடங்களை விட அதிகவசூலை குவித்தது படம். மும்பையில் சாதாரணமாக ஒரு தமிழ் படம் நான்கு நாட்கள் ஓடுவதே பெரிய விஷயம்.ரஜினியின் எந்திரன் மட்டுமே(தமிழ் வெர்ஷன்) இருபது நாட்களுக்கு மேல் ஓடியது. அதன் பின்னர் மங்காத்தா மும்பை திரையரங்குகளில்இரண்டு வாரங்களுக்கு மேல் ஓடி சாதனை புரிந்தது. இந்தபடத்தின் சாதனையை சுருங்க சொல்ல வேண்டும் என்றாள் , இந்த வருடத்தின் ஆரம்பத்தில் வெளிவந்த சில படங்கள் எதிர்பார்ப்பை பூர்த்தி செய்யதவறி கூட்டமே இல்லாமல் போன காரணத்தால்சென்னையிலும் , தமிழகத்தின் பிற பகுதிகளிலும்மங்காத்தாவை மறு வெளியீடு செய்திருக்கிறார்கள் திரையரங்க உரிமையாளர்கள். மொத்தத்தில் மங்காத்தா சென்ற வருடம் ரஜினிபடம் வெளிவராத குறையை பாக்ஸ் ஆஃபிஸில் தீர்த்து வைத்திருக்கிறது...

பாக்ஸ் ஆஃபிஸ் மட்டுமில்லை இணையமும் தல கோட்டைதான்

சென்ற வருடம் கூகிள்தேடல்களில் படங்கள் பிரிவில் இந்திய அளவில் 7 ஆவது இடத்தை பிடித்திருக்கிறதுமங்காத்தா. அந்த பிரிவில் தமிழில் இருந்து இடம் பிடித்தஒரே படம் அது மட்டுமே. சென்ற வருடம் ரஜினி , கமல் படங்கள் மட்டுமே வெளிவரவில்லை , அதை தவிர்த்துஅத்துணை நடிகர்களின் படங்களும் வெளிவந்திருந்தது. ஆனால் அவர்களின் படங்கள் எல்லாம் இணையதள தேடலில்இடம்பிடிக்க முடியவில்லை. இந்த செய்திபடத்திர்க்கு எவ்வளவு பெரிய எதிர்பார்ப்பு இருந்தது என்பதர்க்கும் , அதைபடம் எவ்வளவு நேர்த்தியாக பூர்த்தி செய்திருந்தது என்பதர்க்கும் மிக சிறந்த உதாரணம். அதைவிட இணையத்திலும் தல அஜீத்திற்க்கேஅதிக ரசிகர்கள் இருக்கிறார்கள் என்பதையும் தெளிவாக காட்டியிருக்கிறது. ரஜினிக்குஅடுத்து எங்களுக்குதான் அதிக ரசிகர்கள் என்று வாய்சவாடல் விடும் எந்த நடிகனின் படங்களும் இதில் வரவில்லை.இதிலும் பேசாமலே மௌனமாக தலையும் அவர் ரசிகர்களும்ஜெயித்திருக்கிறார்கள்.

அதே போல விஜய் டிவி நீயா நானா நிகழ்ச்சியில் இணையங்களில் சினிமாவின் பங்கு என்ற தலைப்பில் ஆய்வு செய்து வரும் அலெக்ஸ் என்பவர் தமிழ் நாட்டில்ரஜினிக்கு சமமாக இணையத்தில் தேடப்படும்ஒரே நடிகர் அஜீத் மட்டும்தான் என்று வெளிபடையாகவேதெரிவித்திருந்தார். பாக்ஸ் ஆஃபிஸ் மட்டும் இல்லை இணையமும் தல கோட்டைதான் என்பதற்க்கு இவை இரண்டை விட வேறு ஆதாரம் தேவையா?

இவை தவிர டைம்ஸ் ஒப் இந்தியா பத்திரிக்கை வெளியிட்ட இந்தியாவின் சிறந்தபத்து ஆண்கள் வரிசையில் இடம்பிடித்தது , திரையுலகில் அம்பது படங்களை தாண்டியது என்று இன்னும் நிறைய சாதனைகள் அவர் சென்ற ஆண்டு நிகழ்தினார்.மொத்தத்தில் 2011 தமிழ் சினிமாவில் தல ஆண்டு... இனி வரும் வருடங்களும் சொந்த வாழ்க்கையிலும் , திரை வாழ்க்கையிலும் தல அஜித்துக்கு சிறந்த ஆண்டாக அமைய ஒரு ரசிகனாகஇறைவனை வேண்டி கொள்கிறேன்.

அனைவருக்கும் பொங்கல் நல்வாழ்துக்கள்

கடவுள் (பாகம் 1 )

2012-01-12T13:22:00.000+05:30

(இந்த வருடத்திலிருந்து இந்த வலைபூவில் வேறு சில நண்பர்களையும் எழுதவைக்கலாம் என்று முடிவு செய்திருக்கிறேன். என்னுடைய சிந்தனைகளை மட்டுமே இங்கு எழுதிக்கொண்டிருந்தால் மிக விரைவில் இதை படிக்கும் நண்பர்களுக்கு போர் அடித்துவிடக்கூடிய வாய்ப்பு இருப்பதால் இந்த முடிவு. இதன் முதல் கட்டமாக எனக்கு தெரிந்த சில நண்பர்களிடம் கடவுள் பற்றிய அவர்களின் கருத்துகளை எழுதசொல்லி ஒரு தொடராக அவற்றை வரிசையாக இந்த வலைபூவில் வலையேற்றலாம் என்று முடிவெடுத்திருக்கிறேன். அந்த வரிசையில் என்னுடைய அலுவலகத்தில் பணிபுரியும் சக ஊழியரும் , நண்பருமான வினோத் அவர்களின் கட்டுரை இந்த பதிவில். அவர் இதை ஒரு முன்னோட்டமாக என்னுடைய வலைபூவில் பதிவேற்றுகிறார். அவரின் எழுத்து நடை உங்களுக்கு பிடித்திருந்தால் கமெண்ட்டில் அவரை ஊக்கபடுத்துங்கள், ஏதேனும் பிழைகள் இருந்தாலும் தெரியபடுத்துங்கள் நாங்கள் திருத்திக்கொள்ள)

கடவுள் இருக்கிறாரா இல்லையா என்று சொல்லும் அளவுக்கு நமக்கு அறிவு இருக்கிறதா என்று எனக்கு தெரியவில்லை. இவ்வுலகில் பல விஷயங்கள் நமது அறிவுக்கு எட்டாதவையாகவே உள்ளது. நமக்கு மேல் ஒரு சக்தி உள்ளது அது கடவுள் தானா என்று எனக்கு சொல்ல தெரியவில்லை. அந்த சக்தியைதான் இவ்வுலகில் உள்ள மக்கள் கடவுளாக வழிபடுகின்றனர் என்று நான் நினைக்கிறேன். பல விஷயங்கள் நமக்கு தெரிந்திருந்தாலும் அதை மற்றவர்கள் நம்ப வேண்டும் என்றால் அதை நீருபிக்க வேண்டும். பல விஷயங்களை நிரூபணம் மூலம் நம் அறிவியல் அறிஞர்கள் நிரூபித்துள்ளனர். கடவுள் இருக்கிறார் என்று சொல்ல தெரிந்த அவர்களுக்கு கூட நிரூபிக்க தெரியவில்லை. எனது கோணத்தில் பல விஷயங்கள் மனித அறிவுக்கு அப்பாற்பட்டது அதில் கடவுளும் ஒன்று என்றே நான் கருதுகிறேன். இதற்கு உதாரணமாக பூமிக்கு கீழே என்ன உள்ளது, அகாயத்துற்கு மேல என்ன உள்ளது என்று எல்லாம் நாம் பார்க்க இயலாது. ஆனால் மற்றவர்கள் கருத்தை நாம் நம்புகிறோம் அவன் நாதீகன் ஆகட்டும் அல்லது ஆத்திகன் ஆகட்டும். கடவுள் இருக்கிறாரா இல்லையா என்பதை அறிவியல் கொண்டோ அல்லது கணிதம் கொண்டோ நிரூபிக்க இயலாது. ஏன் என்றால் கடவுள்(ஒரு சக்தி) என்பவரை ஒரு குறுப்பிட்ட வட்டதிற்குள் அடைக்க இயலாது. பல விஷயங்களில் நாம் நம் முன்னோர்களேயே கடைபிடிக்குறோம். இவ்வுலகில் பெரும்பான்மையான விஷயங்கள் உறுதி செய்ய நாம் கடைபிடிப்பது பெரும்பாலானோர் சொல்வதிலிருந்தே நாம் அதனை உறுதி செய்கிறோம். அது போல இவ்வுலகில் பெரும்பான்மையான மக்கள் கடைப்பிடிப்பதை கொண்டு நாம ஒரு முடிவுக்கு வருவோம். இவ்வுலகில் நமக்கு மேலே ஒரு சக்தி உள்ளது அது கடவுளாகவும் இருக்கலாம் என்று.

இவ்வுலகில் பலர் நிம்மதியை தேடி அலைகின்றனர் அதற்கு பெரும்பாலானோர் தேர்வு செய்யும் இடம் கோவில்களும் ஆலையங்களுமே அதற்கு காரணமும் உள்ளது. அங்குதான் அவர்களுக்குள்ள ஆனவத்தையும் தலைக்கனதையும் சிறிது ஒதுக்கி வைக்கின்றனர். இவ்வுலகில் தேடல்கள் அதிகரிக்க அதிகரிக்க பிரச்சனைகளும் அதிகரிக்கதான் செய்கின்றன. அதற்காக நான் தேடாமல் இருக்க சொல்லவில்லை கடவுளை பற்றி ஆராய்ச்சி செய்யாதீர்கள் என்றுதான் சொல்கிறேன் ஏனென்றால் அதை ஆராயும் அளவுக்கு நமக்கு அறிவு போதுமா என்றுதான் எனக்கு தெரியவில்லை. ஒன்றுமே படிக்காதவனிடம் போய் விஞ்ஞானம் பற்றி விவரிக்க இயலாது அது போலதான் கடவுளை பற்றி தெரியாதவனிடம் போய் கடவுளை பற்றி விவரிக்க இயலாது. இவ்வுலகில் பல விஷயங்கள் சூட்சமமாகவே உள்ளன அதில் கடவுளும் ஒன்று என்றே நான் நம்புகிறேன். பிறகு வேறு வழிதான் என்ன கடவுளை பற்றி தெரிந்து கொள்ள என்று நீங்கள் கேட்கும் கேள்வியின் ஆதங்கம் எனக்கு புரிகிறது.

இவ்வுலகம் முழுவதும் அணுக்கலால் ஆக்கபட்டது இவ்வுலகில் உள்ள ஒவ்வொரு பொருட்களுக்கும் ஒரு சக்தி உள்ளது. அது போல நம் கற்பனைக்கும் சக்தி உள்ளது எண்ணங்கள் மிக வலிமையானவை நம் எண்ணத்தின் மூலம் ஒரு பொருள் இருப்பதாக நினைத்தால் அப்பொருள் இல்லை என்றாலும் உருவாவதற்கான சாத்தியங்கள் அதிகமாகவே உள்ளது. அதுபோல் கடவுள் இருக்கிறார் / இல்லை என்று நினைத்தாலும் அது அவரவர் மன நிலையை பொறுத்தே கடவுள் உருவாகலாம் அல்லது உருவாகமலும் போகலாம். அதற்காக கடவுள் இருக்கிறார் அல்லது இல்லை என்று சொல்ல இயலாது. நமக்கு மேல் ஒரு சக்தி உள்ளது அதைத்தான் இக்கட்டுரையில் நான் கடவுளாக உருவகப்படுத்தி உள்ளேன். அச்சக்தியை பற்றி ஆராயும் அளவுக்கு நமக்கு அறிவு போதாமையால் அதை இல்லை என்று சொல்லிவிட முடியாது. எண்ணங்கள் மிக வலிமையானவை அந்த எண்ணங்களில் இருந்து சொல் உருவாகிறது சொல்லில் இருந்து செயல் உருவாகிறது செயலில் இருந்து பழக்கம் உருவாகிறது அப்பழக்கதில் இருந்து பண்பாடு உருவாகிறது. நம் பண்பாடு அனைத்தும் நம் எண்ணத்தை சார்ந்தே உள்ளது. ஆகையால் நம் எண்ணத்தை தூய்மையாக வைத்திருப்போம். நம் பண்பாட்டை உயர்த்த பாடுபடுவோம்.

************************************************************************

டாக்டர் vs டாக்டர் – பொங்கல் ரேஸில் ஜெயிக்க போவது யாரு?

2012-01-10T14:42:00.001+05:30

டிஸ்கி : இதுகண்டிப்பாக டாக்டர் அவர்களை ஓட்டும் பதிவுதான். ஆனால் எந்த டாக்டர் என்பதுபடிக்கும் உங்கள் மனநிலையை பொறுத்தது?

வரும் வியாழன் நண்பன்வெளிவருகிறதாம். நான் பிளாக் எழுத ஆரம்பித்து இதுவரை வந்த விஜய் படங்கள் அனைத்துமேமொக்கை படங்களாகவே வந்திருக்கிறது. அது ஒருவகையில் நமக்கு சாதகமான விஷயமே. விஜயை ஓட்டுவதை விட அவரின்ரசிகர்களை ஓட்டுவதில் ஒரு தனி இன்பம் இருக்கதான் செய்கிறது. காரணம் ஒவ்வொரு படமும்வருவதற்க்கு முன்னாள் சமூக இணைய தளங்களில் அவர்கள் பேசும் பேச்சுகள்தான். படம் வந்தபின்னர் ஊரேகடுப்புடன் அவர்களை பழிவாங்குவதற்க்கு காரணம் இதுதான்.

முன்பெல்லாம் தீவிர விஜய் ரசிகர்கள்அவர்கள் படம் வரும்பொழுது கூடவே அஜீத் படமும் வெளிவந்தால் பேஸ்புக் , ஆர்குட் என்று எல்லா இடங்களிலும் ஆன்டி அஜீத்இயக்கம் என்று ஒரு கம்யூனிட்டி உருவாக்கி அதில் வெளிவர போகும் அந்த அஜித்படத்தையும் அதில் அவரின் கெட்டப்பையும் நாறடிப்பார்கள். முதலில் இது அஜித் விஜய்ரசிகர்களின் சண்டையாகவே பார்க்கபட்டது, ஆனால் ரஜினியின் சந்திரமுகியும் விஜய்யின் சச்சினும் ஒன்றாக வெளிவந்த காலகட்டங்களில் விஜய் ரசிகர்கள் ஆன்டி ரஜினி கம்யூனிட்டிகளை உருவாக்கிய பொழுதுதான் அவர்களின் வக்கிரபுத்தி உலகம் அறியதொடங்கியது. அடுத்து அவர்கள்தனுஷ் , சூரியா ,சிம்பு என்று ஒருவரையும் விட்டுவைக்கவில்லை. தனுஷ்பொல்லாதவனில் அழகிய தமிழ் மகனை புரட்டி புரட்டி எடுத்ததிலிருந்து இப்பொழுதெல்லாம் தனுஷ் படம் வெளியாகும் பொழுதெலாம் ஆன்டி தனுஷ் கம்யூனிட்டிஅதிகம் உலவ ஆரம்பித்து விட்டது. வேலாயுதத்துடன் 7 ஆம் அறிவு ரிலீசாகிய தருணங்களில் இந்த இணையதளங்களில் தீவிர விஜய்ரசிகர்களால் 7 ஆம் அறிவு எந்த அளவுக்கு நாறடிக்கபட்டது என்பதை உலகம் அறியும்...

சரி விசயத்திற்க்குவருவோம் , இப்படி சச்சின் , சுறா போன்ற மொக்கை படங்கள் வெளிவரும் போதெல்லாம் அளவுக்கு அதிகமாக ஆடிய விஜய் ரசிகர்கள் இப்பொழுது 3 இடியட்ஸ படத்தின் ரீமேக்கில் , அதுவும்இந்தியாவின் ஸ்பீல்பெர்க் என்று விஜய்யால் அன்புடன்அழைக்கபடும் , “ஹை பட்ஜெட் பேரரசு” ஷங்கரின் இயக்கத்தில் விஜய் நடித்திருக்கும் நண்பன் படம் வெளிவரபோகும் சமயம் மிக அமைதியாக எந்த ஆராவாரமும் இல்லாமல் இருக்கிறார்களே என்று பலருக்கு சந்தேகம் வரலாம்... ஆம் அவர்கள் எந்தஆர்பாட்டமும் இல்லாமல் அமைதியாகவே இருக்கிறார்கள் , ஆனால் அவர்கள் திருந்திவிட்டார்கள் என்று தவறாகநினைத்துவிடாதீர்கள்... அவர்கள் வேறுவழியில்லாமல் அமைதியாக இருக்கிறார்கள். ..நண்பன் படம் வெளிவரும் அதே நாளில் இன்னொரு நடிகரின் படமும் வெளியாகபோகிறது என்றுகாற்று வழி செய்திகள் இப்பொழுதே கசியதொடங்கியதான் விளைவே இவர்களின் இந்த அமைதி.. ஆம் சென்ற வருடம் வந்த பெரிய நடிகர்கள் படங்கள் நூறு நாட்கள் ஓடுவதற்கே முக்கி கொண்டிருந்த பொழுது ,வெற்றிகரமாக முன்னூறுநாட்களை தாண்டி இன்றும் ஓடி கொண்டிருக்கும் லத்திகாபடத்தின் நாயகன் பவர் ஸ்டார் என்று எல்லோராலும் அன்போடு அழைக்கபடும் டாக்டர்சீனிவாசனின் ஆனந்த தொல்லை படம் பொங்கலுக்கு வெளிவரபோகிறதாம்.

இப்பொழுது புரிகிறதாவிஜய் ரசிகர்களின் அமைதிக்கு காரணம்? பவர் ஸ்டாரை எதிர்த்தால் என்ன நடக்கும் என்பது அவர்களுக்கு தெரியாதா? ஆனானப்பட்ட சூப்பர் ஸ்டாரே பவர் ஸ்டாரின்மூன்று படங்கள் அடுத்தடுத்து ரிலீசுக்கு காத்து கொண்டிருப்பதை அறிந்து தன்னுடையராணா படத்தின் ஷூட்டிங்கை தள்ளிவைத்திருக்கிறார். அப்படிபட்ட பவர் ஸ்டாரை எதிர்க்கமுடியுமா? அதையும் மீறி விஜய்ரசிகர்கள் சிலர் பேஸ்புக் ஆர்குட் என்று சில இடங்களில் பவர் ஸ்டாரை கேலிசெய்து சிலகம்யூனிட்டிகளை உருவாக்கியதாகவும் ,ஆனால் அதை தொடங்கியவுடனே நம் பவர் ஸ்டார் கொலைவெறி படை பவர் ஸ்டாரின் கீழ்க்கண்ட சில படங்களை அந்தகம்யூனிட்டிகளில் அப்லோட் செய்து அவற்றை சின்னாபின்னமாக சிதைத்து விட்டதாகவும்தகவல்கள் வெளிவந்து கொண்டிருக்கின்றன.

அதற்க்கு பதிலடிகொடுக்கும் விதத்தில் தளபதியின் போர்படை பவர் ஸ்டார் ரசிகர்கள் நடத்தும்கம்யூனிட்டிகளில் தளபதியின் கீழ்க்கண்ட சில படங்களை அப்லோட் செய்து சிதைத்துகொண்டிருக்கிறார்கள் என்று தெரியவருகிறது...

படம் வெளிவருவதற்க்குமுன்னரே இவ்வளவு போட்டி என்றால் படம் வெளிவந்தால் என்னவெல்லாம் நடக்க போகிறதோஎன்று தெரிந்து கொள்ள தமிழகம் மட்டுமில்லை , உகாண்டா , நபீமியா என்று பவர் ஸ்டார் ரசிகர்கள் எங்கெல்லாம் இருக்கிறார்களோ அங்கெல்லாம் ரசிகர்கள்ரத்தம் சூடேறிபோய் அலைகிறார்கள்...

பொறுத்திருந்துபார்ப்போம் ஜெயிக்க போவது போலி டாக்டரா இல்லை ஒரிஜினல் டாக்டரா என்று?

விஜய் ரசிகர்கள்யாராவது இந்த பதிவை படித்து என்னை திட்டி கமெண்ட்போடும் எண்ணத்தில் இருந்தால் தயவுசெய்து பதிவின்தொடக்கத்தில் இருக்கும் டிஸ்கியை மீண்டும் ஒரு முறை படித்து விட்டு கமெண்ட்போடவும்

இளைய தளபதிக்கு ஒரு கடிதம்

2011-12-19T11:17:00.000+05:30

அன்புள்ள ,

எதிர்கால தமிழக முதல்வரும் , அண்ணா பல்கலைக்கழகத்தில் முதுகலை பயின்று , ஆக்ஸ்போர்ட் பல்கலைக்கழகத்தில் மிக கடினமானசோதனைகளை எல்லாம் வெற்றிகரமாக முடித்து முனைவர் படம் பெற்று அதை பெருமையாக தன்பெயருக்கு பின்னால் எப்பொழுதும் போட்டு கொள்ளும் இளையதளபதி டாக்டர் ஜோசப் விஜய்அவர்களுக்கு,

உங்களை பற்றி ஏதாவதுஎழுதினால் உங்கள் அடி பொடிகள் ஏதோ நாங்கள் பொறாமையில் எழுதுவதாக பிதற்றுகிறார்கள். உங்கள் மேல் பொறாமை படும் அளவுக்கு நீங்கள் என்ன செய்துவிட்டீர்கள் என்று எனக்கு இன்னமும் புரியவில்லை. நீங்கள் ஒரு சினிமா நடிகனாகமட்டும் தங்களை அடையாளபடுத்தி இருந்தால் உங்களை புறக்கணித்து விட்டு நாங்கள் எங்கள் வேலையை பார்த்துகொண்டிருப்போம். ஆனால் ஒரு சமூக ஆர்வலராக, எதிர்கால அரசியல்வாதியாக மாற முயலும் உங்கள் நடவடிக்கைதான் உங்களை பற்றி இப்படியெல்லாம் எழுத தூண்டுகிறது.

எனக்கு உங்களின் சினிமாக்கள் பெரும்பாலும் பிடிக்காது (கில்லி , சிவகாசிமட்டும் விதிவிலக்கு) , ஆனால்இந்த பதிவு அதை பற்றியது இல்லை. உங்களின் மற்ற இரண்டுபரிமாணங்களான சமூக ஆர்வலர் மற்றும் அரசியல்வாதி ஆகியவற்றை பற்றிதான் எழுதபோகிறேன். அஜீத் இந்த இரண்டு பரிமானங்களிலும்தன்னை வெளிபடுத்திக்கொள்வதில்லை என்பது எனக்கு சாதகமானவிஷயம்தான் என்றாலும் அதற்காக மட்டும் இதை எழுதவில்லை , சினிமாவில் நடித்து விட்டு , தனக்கு பின்னால் ஒரு கூட்டம் கூடியவுடன்முதல்வர் கனவுடன் எந்தவிதமான தகுதியும் இல்லாமல் அரசியலில் இறங்க துடிக்கும் உங்களை போன்ற சமூகத்தை கெடுக்கும் கிருமிகளை பார்க்கும் போது சூடு சுரணையுள்ள ஒவ்வொரு தமிழனுக்கும் எழும் ஆதங்கம் என்னுள்ளும் எழுந்ததே முக்கிய காரணம்.

நீண்ட நாட்களுக்கு பிறகுதமிழ்நாட்டில் ஒரு மிகப்பெரிய போராட்டம் வெடித்திருக்கிறது மற்ற போராட்டங்களை போல இதுஒரு அரசியல்வாதியின் தலமையிலோ , இல்லைகார்ப்பரேட் முதலாளிகளின் ஸ்போன்சர்ஷிப்பிலோ , ஜாதி தலைவரின் பெயரை கொண்டோ , உங்களை போன்ற சினிமா நடிகனின் சுயநலத்துக்காகவோ இந்த போராட்டம்நடைபெறவில்லை. மக்களே முன்னின்று இந்த போராட்டத்தை நடத்தி கொண்டிருக்கிறார்கள். நம்முடையகாலகட்டத்தில் இவ்வளவு மக்கள் ஒரு பிரச்சனைக்காக ஒன்று கூடி நாம் பார்திருக்க இயலாது. நீங்கள் நாகபட்டினத்தில் உங்கள் சுயநலத்திர்க்காககூட்டிய கூட்டத்தை விட அதிகமான கூட்டம் ஒவ்வொரு நாளும் தேனியில் கூடுகிறது. விஷயம்அதுவள்ள,

இலங்கையில் தமிழன் மீதுதாக்குதல் நடந்த போது உண்ணாவிரதமும் , மீனவன் சுடபடுவதற்க்கு கண்டன கூட்டமும் நடத்தி தமிழனின் மீது அக்கறை இருப்பதைபோல காட்டி கொண்டீர்கள். அன்னா ஹசாரே மீடியாக்களின் துணையோடு ஊழல் எதிர்ப்புபோராட்டம் நடத்திய பொழுது ஒரு மணிநேரம் மட்டும் அந்த மேடையில் அவரோடு அமர்ந்து உண்ணாவிரதம் இருந்து போட்டோவுக்கும் , வீடியோவுக்கும் போஸ் கொடுத்துவிட்டுவந்தீர்கள் . உங்கள் பட வெளியீட்டு நாளிலும், உங்கள்பிறந்த நாளிலும் ஏழைகளுக்கு தையல் மெசினும் . கறவை மாடும் இலவசமாக கொடுத்து அதைபேப்பரிலும் , டிவியிலும் விளம்பரபடுத்தி கொண்டு ஒரே கல்லில் இரண்டு மாங்காய் அடிக்க பார்தீர்கள். ஒன்று உங்கள் அரசியல் பிரவேசத்திர்க்கு ஏழை பங்காளன் என்ற விளம்பரம் , இன்னொன்று இதையே காரணம் காட்டி கள்ளக்கணக்குஎழுதி வருமான வரியில் கொஞ்சம் விலக்கு... அப்பொழுதெல்லாம்மக்களின் நலனை விட மீடியாக்களில் உங்கள் பெயர் பரபரப்பாக அடிபடபட வேண்டும், மக்கள் மத்தியில் ஒரு சமூக ஆர்வலராகஉங்களை காட்டி கொள்ள வேண்டும் என்ற முனைப்பில்தான் நீங்கள் இதையெல்லாம் செய்தீர்கள்என்று ஒரு கூட்டம் சொல்லிக்கொண்டிருந்தது ... அதுதான் உண்மையும் கூட.

பக்கத்து நாட்டில் தமிழன்அடிபட்ட பொழுது , கூட்டத்தை கூட்டிநான் அடிச்சா தாங்க மாட்ட , உலக வரைபடத்திலிருந்துஉன் நாட்டையே தூக்கிடுவேன் என்று சிங்களவனை பார்த்து வீராவேசமாக வசனம் பேசினீர்களே , இன்று சொந்த நாட்டிலேயே தமிழன் உரிமை பிரச்சனைக்காகபோராடி கொண்டிருக்கிறானே , அவனுக்காகஇறங்கி போராடாமல் , அமைதி காப்பதுஏன்? சிங்களவனை கண்டித்து நாகபட்டினத்தில்கூட்டம் கூட்டியதை போல , நமக்குதண்ணீர் தர மறுக்கும் மலையாளியை கண்டித்து தேனியில் ஒரு கண்டன ஆர்பாட்டம் நடத்த வேண்டியதுதானே? அதில்மலையாளியை பார்த்து நான் அடிச்சா தாங்க மாட்ட , இந்தியவரைபடத்திலிருந்து உங்க மாநிலத்தையே தூக்கிடுவேன் என்று வாய் சவாடல் விட வேண்டியதுதானே.

கண்டிப்பாக முடியாது , காரணம்சிங்களவனை எதிர்ப்பதால் உங்களுக்கோ உங்கள் படத்துக்கோஎந்த பாதகமும் நேர்ந்துவிட போவதில்லை மாறாக இலங்கை தமிழர்களின் ஆதரவு உங்களுக்கும் , உங்கள் படத்துக்கும் அதிகமாகும் . ஆனால் மலையாளியை பகைத்துகொண்டால் உங்கள் படத்தை கேரளாவில் வெளியிட தடை விதிப்பார்கள் , மேலும்தமிழ்நாட்டில் இருக்கும் மலையாளிகள் யாரும் உங்கள் படத்தை பார்க்கமாட்டார்கள்.இப்படி இழப்பு உங்களுக்கு என்னும் பொழுது நீங்கள் எப்படிதமிழனுக்கு ஆதரவாக களம் இறங்குவீர்கள். கண்ணுக்கு தெரியாத ஊழல்வாதிகலையும் , உங்களை கொஞ்சம் கூட கண்டு கொள்ளாத சிங்களவனையும்எதிர்த்த உங்களால் இப்பொழுது தமிழனுக்காக மலையாளியை எதிர்க்கமுடியுமா? அது விளம்பரதுக்கு ஆசைப்பட்டு உயிரையே விட்ட கதையாகி விடும் என்று உங்களுக்கு தெரியாதா? உங்கள் படங்கள் கேரளாவில்அதிகபட்சம் மூன்று கோடி வசூலை கொடுக்குமா? தமிழனுக்காக அந்த மூன்று கோடியை புறந்தள்ளிவிட்டு இறங்கி போராட முடியுமா? அரசியலுக்கு வருவதற்க்கு முன்னரே ஒவ்வொரு விசயத்திலும்சுயநலமாக செயல்படும் நீங்கள் எப்படி அரசியலுக்கு வந்து மக்களுக்கு நல்லது செய்துவிடமுடியும்? இப்படிபட்ட உங்களை பற்றி நல்லாவிதமாக மட்டுமே எழுத வேண்டும்என்று நீங்களும் உங்கள் அடிபொடிகளும் எப்படி எதிர்பார்க்கலாம்?

கடைசியாக இன்று அரசியலில்இருந்து கொண்டு ஊழல் செய்து நாட்டை குட்டி சுவாராக்கி கொண்டிருக்கும் அரசியல்வாதிகளைவிட தன்னுடைய சுயநலத்துக்காக தனக்கு பின்னால் இருக்கும் கூட்டத்தை பயன்படுத்தி எந்த தகுதியும் இல்லாமல் பணம் சம்பாதிக்க மட்டுமே அரசியலில் இறங்க துடித்து கொண்டிருக்கும் உங்களைபோன்றவர்கள் தான் மிகவும் அபாயகரமானவர்கள். இவர்களை போன்றவர்களை நம்மால் எல்லாம் திருத்தமுடியாது, இவர்களுக்கு பின்னால் இருந்து கொண்டு , இவர்களின் சுயநலதிர்க்கு பலிகடா ஆகிக்கொண்டிருக்கும் இவர்களின் தொண்டர்கள் தான்இவர்களை புறக்கணிக்க வேண்டும். ஆனால் சினிமா மாயையில் மூழ்கி கிடக்கும் அவர்கள் இதையெல்லாம்சிந்திக்கவா போகிறார்கள்?

சினிமாவும் அரசியலும்அனைவருக்கும் பொதுவானவை, அதில்நுழைய எப்படி ஒவ்வொருவருக்கும் உரிமை உள்ளதோ , அதை போல அதில் இருப்பவர்களையே விமர்சிக்கவும்அனைவருக்கும் உரிமை இருக்கிறது. நான் விஜயை பற்றி விமர்சிப்பதில்ஏதாவது தவறு இருந்தால் சொல்லுங்கள் திருத்தி கொள்கிறேன். நான் அஜீத் ரசிகனாகஇருப்பதால்தான் விஜயை விமர்சிகிறேன் என்று சொல்லுபவர்களுக்கு ஒன்றை மட்டும்சொல்லிக்கொள்கிறேன் , விஜய் அந்தஅளவுக்கு வொர்த் இல்லை பாஸ்...

2011 தமிழ் சினிமா ஆடுகளம் முதல் ஒஸ்தி வரை

2011-12-16T10:58:00.002+05:30

எனக்கும் சினிமாவுக்கும்எந்தவிதமான நேரடி தொடர்புகளும் கிடையாது , ஆனால் சம்பாதிக்கும் பணத்தில் ஒரு கணிசமான தொகையைசினிமாவும் சினிமா சார்ந்த பிற ஊடகங்களுக்கும் செலவு செய்யும் லட்சகணக்கான தமிழர்களில்நானும் ஒருவன் என்ற முறையில் சினிமாவை பற்றி விமர்சிக்கும் உரிமை எனக்கும் உண்டுஎன்பதால் இந்த வருடம் வெளிவந்த தமிழ் சினிமாக்களை பற்றிய என் பார்வையை இங்குபதிவிடுகிறேன்.

இந்த வருடம் என்னை கவர்ந்த ஐந்து பாடல்கள் அதே வரிசையில் (இதுஎன்னுடைய ரசனை மட்டுமே)

no money no money no honeyda - வானம்

முன்பு நான்ரகுமானின் தீவிர ரசிகன். என் பதின்ம வயதுகளில் ரகுமானின் பாடல்களை தவிர வேறு எந்தஇசையமைப்பாளரின் பாடல்களையும் கேட்காமலே இருந்திருக்கிறேன். ஆனால் இப்பொழுது யுவன்ரகுமானை ஓரங்கட்டிவிட்டார். காரணம் இந்த பாடலை போன்ற பல துள்ளிசை பாடல்களை வரிசையாகஅவர் தந்துகொண்டிருப்பதே. தியானம் செய்தால் எனர்ஜி கூடும் , ரஜினி படம் பார்த்தால் எனர்ஜி கூடும் என்றெல்லாம்சொல்கிறார்கள். அதெல்லாம் உண்மையா இல்லையா என்று தெரியாது ஆனால் இந்தபாடலை கேட்டுபாருங்கள் கண்டிப்பாக உங்கள் எனர்ஜிஅதிகாரிக்கும். ஆனால் பாடல் படமாக்கப்பட்டவிதம் கொஞ்சம் ஏமாற்றம்தான்.

சர சர சாரகாத்து – வாகை சூடா வா

இந்த பாடலைமுதலில் கேட்கும்போது எனக்கு பெரியதாக ஒரு ஈர்ப்பு இல்லை , ஆனால் முதன் முறை இந்த பாடலை விஷுவலாக பார்த்ததுமேபிடித்து விட்டது. இந்த பாடலை கேட்டதை விட பார்த்ததே அதிகம். தென் தமிழகத்தின் செம்மண்பிரதேசத்தை மழை பின்னணியில் இவ்வளவு குளுமையாக யாரும் படம் பிடித்ததில்லை.

மங்காத்தா தீம் ம்யூசிக்

பில்லாவுக்கு பிறகு ஒரு படத்திற்கு தீம் ம்யூசிக் மிக சரியாக பொருந்தி வந்திருப்பது மாங்காத்தாவுக்குதான்.. என்னைகேட்டால் பில்லா தீம் ம்யூசிக்கை விட இது ஒருபடி மேல். தீம் ம்யூசிக் அந்தபடத்தின் ட்ரீட்மெண்ட்டிற்க்கு அப்படியே ஒத்துப்போகவேண்டும். அப்படி அமைந்துவிட்டால்படத்துக்கு அதுவே பெரிய பலமாக அமைந்துவிடும். மங்காத்தாவில் இது கச்சிதமாகஅமைந்திருக்கிறது. படத்தோடு பார்க்கும் போது நம் நரம்பில் வயலின் வாசிப்பதை போலஒரு கிளர்ச்சியை உருவாக்கியது இந்த தீம் ம்யூசிக். இதை ஹெட் போனில் கேட்டுக்கொண்டேஃபோர் வேயில் பைக் ஓட்டினால் உங்களை அறியாமலே ஸ்பீடோமீட்டர் நூறை தாண்டும் அபாயம்இருப்பதால் பைக் ஓட்டும் போது இதை கேட்காமல் இருப்பது நலம்..

வாடி வாடி கியூட் பொண்டாட்டி – ஒஸ்தி

சிம்பு எழுதி சிம்புவேபாடி இருக்கும் ஒரு பாடல் கேட்பதற்க்கு நன்றாகவந்திருக்கிறது என்பது உண்மையிலேயே மிக பெரியஅதிசயம்தான். புது கணவன் தன் மனைவியை எப்படியெல்லாம் பாசமாக கவனிப்பேன் என்றுபாடுவதாக வரிகள் அமைந்திருக்கும் பாடல். புதுசாக திருமணம் ஆகியிருப்பதாலோ என்னவோஎனக்கு இந்த பாடல் மிகவும் பிடித்துவிட்டது.

காதல் என் காதல் – மயக்கம் என்ன

தனுஷ் & செல்வராகவனின் கரகர கட்டை குரல் , படத்தில் இந்த பாடலின் மொக்கையான placement என்று சிலசொதப்பல்கள் இருந்தாலும் , வழக்கமானசெல்வராகவனின் காதல் தோல்விபாடல்களில் இருக்கும் திமிர் கலந்த சோகமே இந்த பாடலைதிரும்ப திரும்ப கேட்க தூண்டுகிறது.

இந்த வருடம் நான் அதிக முறை பார்த்த படம் தலையோடமங்காத்தாதான்... கண்டிப்பாக பத்து முறைக்கும் மேல்பார்த்திருப்பேன். பத்து தடவையும் தலைக்காக மட்டுமே..

இந்த வருடம் வந்த படங்களில்எனக்கு பிடித்த மூன்று படங்கள்

மங்காத்தா

இந்த வருடத்தின் மிக பெரிய வெற்றிபடம், அதிக வசூலை குவித்ததும் இந்த படம்தான். ரஜினிதவிர வேறு எந்த நடிகனாலும் நினைத்து பார்க்க முடியாத கதாபாத்திரம் விநாயக் மாதவன்.அர்ஜூனின் மனைவியை கடத்தி அவரை வைத்தே வைபவ்வை போட்டுதள்ளும் சீனில் கடைசியாகபோனில் ஸ்டைலாக loveya என்று சொல்லுவாரே .. சவாலாகாவே கேட்கிறேன் வேறு எந்தநடிகனுக்கு (ரஜினி தவிர) அந்த ஸ்டைல் வரும்? மதுரையை தாண்டிய தென் தமிழகம் தலயோட வசூல் கோட்டை என்பதைமீண்டும் ஒருமுறை நிரூபித்த படம் இது. ரஜினிக்கு பிறகு 200 சதவிகித ஒபெனிங்க்காட்டும் ஒரே ஹீரோ தலதான் . சந்தேகம் இருப்பவர்கள் மதுரை , விருதுநகர் , ராமநாதபுரம் ,திருநெல்வேலி தூத்துக்குடி மாவட்டங்களில் ஏதாவது ஒரு திரையரங்கில் பில்லா 2ஒபெனிங்க் ஷோ பார்த்து தெளிந்து கொள்ளலாம். Thala we impressed.. give usmore…

வாகை சூட வா

தமிழில் இது போன்ற படங்கள் வருவது மிகவும் அபூர்வம்.வேலாயுதம் , ஏழாம் அறிவு போன்ற மொக்கைகளைவிளம்பரத்தை நம்பி பார்க்கும் நாம் , கல்வியின் அவசியத்தை சொன்ன இந்த படத்தைபார்க்காமல் விட்டதால் இனிமேல் இது போன்ற படங்களை எடுக்கும் தைரியம் யாருக்கும் வராது என்பது வருத்தமான விஷயமே.

ஆரண்யகாண்டம்

படத்தின் ஆரம்பத்தில் ஒரு கிழவன் 25 வயது பெண்ணைபுணர்ந்து கொண்டிருப்பான், ஒரு கட்டத்தில் அவனால்இயங்கமுடியாமல் போக வெறுப்பில் அவளை அடித்துவிடுவான். உன்னால முடியலைனா என்னைய ஏன்அடிக்கிற என்று அவள் அழும் அந்த காட்சியில் அடவித்தியாசமா இருக்கே என்று ஆர்வமாய் பார்க்க ஆரம்பித்தேன். இறுதி வரை ஆர்வமும் குறையவில்லை திரையில்வித்தியாசமான காட்சியமைப்புகளும் குறையவில்லை. சில காட்சிகளில் படம் கொஞ்சம் போர்அடித்தாலும் படம் பார்க்கும் போதுநமக்கு கிடைக்கும் புது புது அனுபவங்களுக்காக பொறுத்து கொள்ளலாம்.

காஞ்சனா

நல்ல பொழுதுப்போக்கு கதையில் திரைக்கதையும் , காமெடியும் கைகொடுத்தால் பெரிய ஹீரோக்கள் மட்டும் இல்லை நான் நடிச்சாகூட மக்கள் குடும்பத்தோட வந்து ரசிப்பார்கள் என்றுலாரன்ஸ் நிரூபித்த படம். நீண்ட நாளுக்கு பிறகு கோவைசரளா காமெடியில் கலக்கிய படம், தமிழ் சினிமா வரலாற்றில் ஒருபேய் படத்தை குடும்பம் குடும்பமாக சென்று பார்த்த படம் என்று இந்த படத்தை பற்றிநிறைய கூறலாம். எல்லாவற்றிக்கும் மகுடம் வைத்தார் போன்ற ஒரு விஷயம் மதுரையிலும் , திருச்சியிலும் இந்த வருடம் திரையரங்குகளில்100 நாட்கள் ஓடிய ஒரே படம் இதுதான்.

இதை தவிர்த்து முத்துக்கு முத்தாக , எங்கேயும் எப்போதும் போராளி , மயக்கம் என்ன போன்ற படங்கள் கொடுத்த காசுக்குகுறைவில்லாமல் ரசிக்க வைத்த படங்கள்.

இந்த வருடம் தியேட்டரில் கதற கதற மூன்று மணிநேரம் அடிவாங்கிய படங்கள்,

நடுநிசி நாய்கள் – தமிழ் சினிமாவின் முதல் திகில் படம் இதுதான் என்று இந்த படத்தின் இயக்குனர் ஒரு பேட்டியில் சொல்லியிருந்தார் . ஆனால் படத்தை பார்த்தால் அவர் தமிழின் முதல் செக்ஸ் படம் எடுக்க முயற்சி செய்தது போலதான் இருந்தது.

மாப்பிள்ளை – இந்த படத்தை பாத்துட்டுதான் ரஜினி ஊருக்குள்ள எவ்வளவோ நல்ல மாப்பிளைங்க இருக்கும்போது இவனை ஏன் நாம மாப்பிளையா செலக்ட் பண்ணுனோம்னு பீல் பண்ணி பீல் பண்ணி உடம்புக்கு முடியாம போயி ஆஸ்பத்திரியில படுத்துகிட்டாறு போல... என்னா மொக்கைடா சாமி... தமிழ் சினிமாவின் ஆக சிறந்த பத்து மொக்கைகளை லிஸ்ட் எடுத்தால் அதில் இந்த படம் போட்டியே இல்லாமல் இடம் பிடிக்கும்.

ரௌத்திரம் – சென்னைக்கு போனா பீச்ச பாத்தமா , அண்ணா சமாதி எம்‌ஜி‌ஆர் சமாதிய சுத்தி பாத்தோமா , ஏதாவது ஏ‌சி பாருக்கு போயி தண்ணியடிச்சமான்னு இல்லாம காசி தியேட்டருக்கு போயி இந்த படத்த பாத்தது என் தப்புதான். ஆனால் நான் பண்ணுண தப்புலையும் ஒரு நல்லது நடந்திருக்கு , இந்த படம் பாத்த எஃபக்ட்லதான் ஜீவாவோட அடுத்த படம் வந்தான் வென்றான் போஸ்டர கூட பாக்காம தப்பிச்சிட்டேன்.

4. எங்கேயும் காதல் – ராஜகுமாரனுக்கு ஒரு விண்ணுக்கும் மண்ணுக்கும்னா , பிரபு தேவாவுக்கு இந்த எங்கேயும் காதல். ஹாரிஸ் ஜெயராஜுக்கு எந்த படத்துக்கு எப்படி பாட்டு போடணும்னு தெரியல , ரெண்டு மூணு நல்ல ட்யூன இந்த படத்துல போட்டு வேஸ்ட் பண்ணிட்டார் . அவரை நம்பி இந்த படத்தை பார்க்க வந்தவர்கள் விட்ட சாபமெல்லாம் அவரைதான் சேரும். பாஸ் நல்ல படத்துக்கு காப்பி அடிச்சி நல்ல பாட்டா போடுங்க , இந்த மாதிரி மொக்கை படத்துக்கு ஆதவன் , ஏழாம் அறிவு மாதிரி உங்க ஸ்டைல்ல பாட்ட போட்டு கும்மிடுங்க...

ஆளாளுக்கு விருது கொடுக்குராணுக , இதோ நானும் என் பங்குக்கு இவனுகளுக்கெல்லாம் விருதுகொடுக்க போறேன்

1. “நாம்தமிழர்” விருது – திருக்குறளையெல்லாம் தூக்கி சாப்பிடும் விதமாகதமிழரின் பெருமையை தூக்கி நிறுத்திய உதயநிதி ஸ்டாலின் , முருகதாஸ் , சூரியா மூவருக்கும்

2. “நாம்இளிச்சவாயர்கள்” விருது – முருகதாஸை நம்பி முதல் நாளே படத்தைதியேட்டரில் சென்று பார்த்து நொந்த அனைவருக்கும் .

3. “சிறந்தசங்கூதுபவர்” விருது – வேலுஊஊஊஊஊ வேல்ல்ல்ல்ல்ல்லாயுதம் என்று தன் பெயரிலேயே சங்கு ஊதி காட்டிய இளைய தளபதிக்கு.

4. “சிறந்தஜெராக்ஸ் மெஷின்” விருது – விஜய்ங்கிற பேருக்கும் இந்த விருதுக்கும் என்னசம்பந்தம்னு தெரியவில்லை. வழக்கமாக இளைய தளபதி விஜய் வாங்கும் இந்த விருதை இந்தமுறை I am sam படத்தை ஜெராக்ஸ்எடுத்த இயக்குனர் விஜய் வாங்குகிறார்.

5. “சிறந்தடிரைவர்” விருது – ரயிலையே டிஸ்க் பிரேக் போட்டு நிறுத்தியஇளையதளபதி டாக்டர் விஜய் அவர்கள்

கடைசியாக ஒரு தல ரசிகனாக அவருக்கு அவரின் ரசிகர்கள் சார்பாக என்னுடைய வாழ்த்து இதோ

இயக்கத்தை கலைத்தாலும் எங்கள் இதயத்தில் நிலையாய் நிற்பவரே.. உண்மைதான் தலைவா... எங்கள் இதயத்தில் என்றென்றும் நீதான்...

அனைவருக்கும் அட்வான்ஸ் கிருஸ்துமஸ் மற்றும் புது வருட வாழ்துக்கள்.

வீரு - பவர் ஃபுல்லு

2011-12-09T09:47:00.001+05:30

சினிமாவுக்கு தல அல்டிமேட் ஸ்டாரு

கிரிக்கெட்டுக்கு தல அல்டர்னேட் இல்லாத நீதான் வீரு...

இருநூறை தாண்டியும் ஹவுஸ்புல்லா ஓடுனா அது

சூப்பர்ஸ்டார்தான் பாரு

இருநூறை தாண்டியும் அசராம ஆடுனா அது

சூப்பர்மேன் நீதான் வீரு...

நேத்து ரிலீஸ் ஆச்சு ஒஸ்தி ... அதுதான் உலகமகா நாஸ்தி ...

நேத்து நீ போட்ட குஸ்தி... அதுதான் கிரிக்கெட்டுக்கே ஒஸ்தி...

உன்னோட குருதான் சச்சின்னு

நீ அவரையே மிஞ்சின சிஷ்யனு...

குங்க்ஃபூனா அதுக்கு போதி தருமரு...

கிரிக்கெட்டுனா அதுக்கு இனி நீதான் தலைவரு...

அதிரடி பேட்டிங்க்ல நீதான் தல கிங்கு ..

மத்தவனெல்லாம் ஊறிபோன

மெரினா பீச்சு சங்கு...

கடைசி மூணு மேச்ல நீ போட்ட டக்குள , உன் ரசிகன் என் நெஞ்சு ஆக்கிபோச்சு டொக்கு... நேத்துதான் புரிஞ்சது உன் டி‌என்‌ஏவதூண்டிவிட இவ்வளவு நாளா உன்னை ஊரவச்சிருக்கானுக... போதிதருமர்கிட்ட மாட்டுன டோங்க் லி கணக்கா நீ அவனுங்களை தொவச்சி தொங்கவிட்டுட தல... யப்பா ஆராய்ச்சியாளர்களே அந்த குங்க்ஃபூ மாஸ்டரதான் கோட்டவிட்டுட்டீங்க , இந்த கிரிக்கெட் மாஸ்டரையாவதுகப்புன்னு பிடிச்சிக்கோங்கப்பா... இனிமே இன்னொரு சேவாக்கை கடவுளாலையே படைக்க முடியாது... என்ன இன்னும் இருநூறு வருசத்துக்கு அப்புறம் முருகதாசின் கொள்ளுபேரன் ஷேவாக்கின் டி‌என்‌ஏவைஹீரோவுக்கு தூண்டிவிட்டு ஆஸ்ட்ரேலியாவிலிருந்து வரும் வில்லனை பேட்டாலயே அடிச்சி கொல்றதுமாதிரி படம் எடுக்காமல் இருக்கணும்...

(பேட் மட்டும் இல்ல.. நானும் ஹீரோதாம்பா )

தல சேவாக் இன்னும் படைக்க வேண்டிய சாதனைகள் ஏராளம்... வெஸ்ட் இண்டீஸை தொங்க விட்டதை போல , இந்த இலங்கையையும் , ஆஸ்ட்ரேலியாவையும் ஒருமுறை உரித்து தொங்க விட்டால் என்னை போன்ற கோடானுகோடி கிரிக்கெட் ரசிகனின்ஆத்மா இறப்பதற்க்கு முன்னரே சாந்தி அடையும்...

டெஸ்ட்ல ஷேவாக்கின் அதிகபட்சம் 319 .. இதுதான் சர்வதேச அரங்கில் ஒருஇந்திய வீரரின் அதிகபட்சஸ்கோர் ...

ஒன்டேல ஷேவாக்கின் அதிகபட்சம் 219.. இதுதான் சர்வதேச ஆட்டங்களில் உலக அளவில் ஒரு கிரிக்கெட் வீரரின் அதிகபட்ச ஸ்கோர் ...

உச்சத்தில் உச்சம் தொடுவது என்பது இதுதானோ?

டர்டி பிக்சர் - தோற்கடிக்கபட்ட பெண்களின் கதை

2011-12-07T14:06:00.001+05:30

பிரபல பதிவர் ஒருவர் திறந்த மார்பையும் , வெளிறிய இடைகளையும் பார்பதற்காகஆசையாசையாக வந்த ஆண்களை சிலுக்கு செருப்பால் அடித்திருக்கிறாள் என்று இந்த படத்தை பற்றி எழுதியிருந்தார்... உண்மைதான் செருப்பில் கொஞ்சம் சாணியையும் கரைத்துஅடித்திருக்கிறார்கள்... நானும் வித்யா பாலனை உரித்துக்காட்டியிருப்பார்கள் என்றஆசையில்தான் படம் பார்க்க சென்றிருந்தேன்... அதனால் எனக்கும் அந்த செருப்படி பலமாகவிழுந்தது... நான் வசிக்கும் தெருவில் பரமு என்ற பெயரில் ஒரு அக்கா இருந்தாள்...பெண்ணாக பிறந்திருந்தாலும் ஆண்களுக்கான அத்துணை பழக்க வழக்கங்களும் அவளுக்கும்உண்டு... பீடி குடிப்பாள் , தண்ணி அடித்து விட்டு தெருவில்சலம்புவாள்... எங்கள் ஊருக்கே கஞ்சா சப்ளை அவள்தான்... கிட்டதட்ட எங்கள் தெருவில் ஒரு பொம்பளை ரவுடியாகத்தான் அவள் வலம் வந்தாள்... ஆனால் எந்த ஆணையும் தன்னை நெருங்க விட மாட்டாள். அவளுக்கு ஆண்கள் என்றாலே ஏதோ ஒருவித இளக்காரம்... அருகில் இருக்கும் ஒருமில்லில் கூலி வேலை செய்து வந்தாள் ... தன்னுடைய உடல் பசிக்கு அந்த மில்லில் வேலைசெய்யும் அப்பாவி சிறுவர்களை பயன்படுத்தி கொள்வாள்... அந்த சிறுவர்களிடம் மட்டும் அவள் மிகவும் பாசமாக இருப்பாள்... அவள்வீட்டுக்கு எப்பொழுது வேண்டுமானாலும் செல்லும் உரிமை அவர்களுக்கு மட்டுமே உண்டு ... அவள் சம்பாதிக்கும் பணத்தையும் பெரும்பாலும் இவர்களுக்கே செலவளிப்பாள்... சமூகம் பெண்களுக்கு என்று விதித்திருந்த எந்த கட்டுப்பாட்டுக்ககுள்லும் சிக்காமல் வாழ்ந்து வந்தாள் ... விதி அவள் வாழ்க்கையில் காதல் ரூபத்தில் விளையாடியது... அதே தெருவை சேர்ந்த ஒருவனுடன்அவளுக்கு எப்படியோ ஒரு ஈர்ப்பு ஏற்பட்டு , அவனுடன் ஊரை விட்டே ஓடிவிட்டாள்..

அவள்உடல் வனைப்பை போலவே அவளை பற்றிய எங்களின் நினைவுகளும் கொஞ்சம் கொஞ்சமாக காலத்தில் கரைந்து விட்டிருந்தது நீண்ட நாட்களுக்கு பின்னர் கையில் ஒரு குழந்தையோடுஅவள் ஊருக்கு வரும் வரை , இந்த முறை அவளிடம் நிறைய மாற்றங்கள் அவளிடம்இருந்த ஆண்மைதனம் முற்றிலும் அழிந்துவிட்டிருந்தது , சண்டை சேவலாயாய் திமிறியிருந்தஅவள் உடல் , நனைந்த கோழியாய் ஓடிங்கிவிட்டிருந்தது. பிறகுதான் தெரிந்ததுகையில் ஒரு குழந்தையை கொடுத்துவிட்டு அவன் ஓடிவிட குழந்தையையும் தன்னையும் காப்பாற்றிகொள்ள வேறு வழியில்லாமல் தன் உடலை அடமானம் வைத்து பிழைத்து கொண்டிருக்கிறாள் என்று... முன்பு அவளைகண்டாலே பயந்து ஓடிய எங்கள் தெரு ஆண்களில் பலர் அவள் ஊரில் தங்கியிருந்த அந்த ஒரு வாரத்தில் அவளை ஆசைதீர அனுபவித்தார்கள்... ஒருவாரத்தில் அவள் சொல்லாமல்கொள்ளாமல் ஊரை காலி செய்து ஓடிவிட்டாள். எங்கள் தெரு பெண்கள்தான் ஐந்தாயிரமோ , பத்தாயிரமோ கொடுத்து அவளை விரட்டிவிட்டனர் என்று பிறகு கேள்விபட்டேன்...

கரைகளை உடைத்து பாயும் காட்டாற்றின் பயணம் போலத்தான் இப்படிபட்டவர்களின் வாழ்க்கையும்... விதிகளை மீறும் ஆண்கள் என்றாலும் சரி பெண்கள் என்றாலும் சரி அவர்கள் வாழ்க்கைமுழுமையடைய இந்த சமூகம் விடுவதில்லை... இந்த படத்திலும் அப்படிபட்ட பெண்களின் வாழ்க்கையைதான்செல்லுலாய்டில் பதிவு செய்திருக்கிறார்கள். சினிமா என்றாலே வியாபாரம் என்று ஆகிவிட்டஇந்த காலகட்டத்தில் அந்த பெண்ணை ஒரு நடிகையாக காட்டினால் மட்டுமே வெகுஜன மக்களுக்கு ஒருசிறந்த எண்டர்டெயின்மெண்டாக அது அமையும்... ஒரே கல்லில் இரண்டு மாங்காய் குறிபார்த்துஇரண்டையும் கச்சிதமாக அடித்திருக்கிறார்கள். இந்த படத்தில் ஒரு வசனம் வரும் நீ ஒருத்திஇல்லாட்டி ஒரு பெண்ணால இப்படியும் வாழ முடியும் என்று தெரியாமல் போயிருந்திருக்கும்என்று.. அந்த வசனம் 80களின் சினிமா ரசிகனுக்கு சிலுக்கையும் , என்னை போன்றவர்களுக்கு பரமுவையும் , இன்னும் வேறு சிலரையும் ஞாபகபடுத்தி செல்லும் என்பதால் இதை சில்க்சிமிதாவின் கதை என்று சொல்லுவதை விட சமூகத்தால் தோற்கடிக்கபட்ட பெண்களின் கதை என்றுசொல்லுவது பொருத்தமாக இருக்கும்...

கொசுறு:

வேலாயுதம் பற்றிய என்னுடைய பதிவில், முதல் பாதியில் விஜயும் அவர் தங்கையும் சேர்ந்துபோடும் மொக்கைகளை என்னால்காமெடி என்று ஏற்று கொள்ள முடியவில்லை என்று எழுதியிருந்தேன் , ஆனால் சிலர் என்னை பின்னூட்டத்தில் மானாவாரியாக திட்டியிருந்தார்கள் , இப்பவும் சொல்கிறேன் அந்த மொக்கைகளை என்னால் காமெடி என்றுசத்தியமாக ஏற்றுக்கொள்ளமுடியவில்லை , வேண்டுமென்றால் காமெடி என்றால் என்னஎன்பதை நீங்கள் அறிந்து கொள்ள உங்களுக்கு போராளி படத்தின் முதல் பாதியைபரிந்துரைக்கிறேன், சந்தானம் இல்லாமலே படம் பார்க்கும்எல்லாரையும் இடைவிடாமல் சிரிக்க வைத்திருக்கிறார் சமுத்திரகனி... வேலாயுதமே ஹிட்என்கிறார்கள் , அப்படி பார்த்தால் போராளி சூப்பர்ஹிட்தான்...

ராஜாவின் பார்வை - நிறைய சினிமா கொஞ்சம் அரசியல்

2011-12-05T14:02:00.001+05:30

கடந்த இரண்டுவாரங்களாக கொஞ்சம் அதிகப்படியாக ஆணிகள் புடுங்கவேண்டியிருந்ததாலும் அதில் சில ஆணிகளை மீண்டும் புடிங்கிய இடத்திலேயேஅறைய வேண்டியது வந்ததாலும் பதிவுலகம் பக்கம் அதிகம் தலைக்காட்ட முடியவில்லை, அதனால் கடந்த இரு வாரங்களில் நான் தவற விட்டசில பதிவுலக தருணங்களின்/விசயங்களின் தொகுப்பே இந்த பதிவு...

மயக்கம் என்ன?

இதுவரை விளிம்பு நிலைமனிதர்களின் கொண்டாட்டமான வாழ்க்கையை பாலா போன்ற சில இயக்குனர்கள் திரையில்விழித்திருந்தாலும் முதல் முறையாக செல்வாதான் மேல்தட்டு மனிதர்களின் விளிம்பு நிலைவாழ்க்கையை இந்த படத்தில் காட்டியிருக்கிறார்... செல்வராகவனின் சிறந்த படைப்புஎன்று இதை சொல்லமுடியாவிட்டாலும் இதுவரை அவர் தந்த படங்களில் சிறந்த படம் என்றுதைரியமாக கூறுவேன் .. இப்படி சொல்ல காரணம் வருங்காலங்களில் செல்வா இதைவிட சிறந்தபடங்களை தருவார் என்ற என்னுடைய நம்பிக்கைதான் ... தமிழ் சினிமாக்களில் யதார்த்த படைப்புகள் என்று சொல்லபட்ட பல படங்கள் உண்மையில் இயல்பை விட்டுவெகுதூரம் விலகியே இருந்திருக்கின்றன... ஆனால் நான் கண்ட தமிழ் சினிமாக்களில் பல காட்சிகளில் யதார்த்ததின் அருகே நம்மைகூட்டி சென்ற படம் இதுதான்... ஏதோ நாமே கார்த்திக் ஸ்வாமிநாதனின் வாழ்க்கையை அவன் பின்னாலயே சென்று படம் பிடித்ததை போன்ற ஒரு கதையோட்டமே படத்தின் பெரிய பலம் , ஆனால் வணிகரீதியாக படத்திற்கு அதுவேமிகப்பெரிய பலவீனமும் கூட... ஆடுகளம் படத்திற்கு தான் விருது வாங்கிய பாவத்தைமயக்கம் என்ன மூலம் சரிகட்டியிருக்கிறார் தனுஷ்... படம் முடிந்து வீட்டிற்க்குசெல்லும் கேப்பில் ஒரு தம் அடித்து விட்டு செல்லும் நோய் எனக்கு பல வருடங்களாக உண்டு, ஆனால் இந்த படம் முடிந்ததும் என் மனைவிக்கு பிடிக்காத புகையை ருசிக்க என் மனம் இடம்கொடுக்கவில்லை... எந்த ஒரு படமும்அதிகபட்சம் இரண்டு மணிநேரம்தான் நம் மனதில் ஒரு பாதிப்பை உண்டு பண்ணும்... அந்த இரண்டு மணிநேரத்தில் அது நம்மை எப்படி யோசிக்கவைக்கிறதுஎன்பதில்தான் இயக்குனரின் வெற்றி இருக்கிறது... அந்த வகையில் செல்வா ரிச்சாபாத்திரத்தை திறமையாக கையாண்டு வெற்றி கண்டிருக்கிறார் என்றே சொல்லவேண்டும்...மயக்கம் என்ன கண்டிப்பாக திருமணம் ஆன/ஆக போகிற எல்லா பெண்களும் பார்த்தே தீரவேண்டிய படம்...

Y this kolaveri?

தமிழ்நாட்டில்மட்டும் இல்லை , இந்தியாமுழுவதும் , உலகம் முழுவதும் ஏன்செவ்வாய் கிரகத்தில்கூட இந்த பாடல் பயங்கர ஹிட்டாம்... மைக்கேல் ஜாக்சன் கூடசொர்க்கத்தில் பாசதலைவனுக்கு பாராட்டு விழாவில் இந்தபாடலுக்குதான் ஆட்டம் போட்டு கொண்டிருக்கிறாராம்...

ஆனால் எங்க ஊர் பக்கம் யாருக்கும் இதைப்பற்றிதெரியவே இல்லை... ஏதோ தினதந்திக்காரன் ஒரு பெட்டி செய்தி போட்டதால் அதை படித்த சிலருக்கு மட்டும் இப்படி ஒரு பாடல்வந்திருக்கிறது என்று தெரியும்... ஆனால் அவர்களும் இந்த பாடலை கேட்டதுஇல்லையாம்... பிறகு எப்படி அதை ஹிட் பாடல் என்று அறிவித்தார்கள் என்று எனக்குஒன்றும் புரியவில்லை, சரி எதையும்கேட்காமல் ஒரு முடிவுக்கு வரக்கூடாதே என்று யூ ட்யூப்பில் அந்த பாடலை கேட்டேன் சாரி கண்டேன்... முதல் முறை கேட்டபொழுதுஎனக்கு கொஞ்சம் கூட பிடிக்கவே இல்லை , சரி தனுஷ் எழுதியபாடல் அவரை மாதிரி பாக்க பாக்கதான் நமக்கு பிடிக்கும் போல என்று எண்ணி குறைந்தது பத்துதடவையாவது பார்த்திருப்பேன் , தனுஷ் மாதிரியே எத்தனை தடவைபார்த்தாலும் பிடிக்கவே இல்லை... கண்டிப்பாக அந்த பாடல் கொஞ்சம் கூட வொர்த்கிடையாது பாஸ்.. பிறகு எப்படி பிரபலமடைந்தது... ரொம்ப சிம்பிள் பாஸ் ,விளம்பரம் ...

முன்பெல்லாம் தென் தமிழகத்தை மட்டும் எடுத்து கொண்டால் மதுரையில் ரஜினி படங்கள் நான்குதிரையரங்கிலும் , கமல் ,அஜீத் விஜய் படங்கள் மூன்று திரையரங்கிலும் மற்ற நடிகர்களின் படங்கள் இரண்டு திரையரங்கிலும் எடுக்கபடும்... படம் நன்றாக இருந்தால் மட்டுமேஅடுத்தடுத்து மக்கள் பார்க்க வருவார்கள் வசூலை அள்ளமுடியும் .. ஆனால் சன் நெட்வொர்க்எப்பொழுது சினிமா வியாபாரத்தில் இறங்கியதோ அன்றில் இருந்து எந்த திரைப்படம் என்றாலும் அதிக அரங்குகளில் இறக்கபடுகின்றன... அவர்கள் டிவியில் நொடிக்கொருமுறை விளம்பரம் ஒளிபரப்பி ஜனங்கள் மத்தியில் ஒரு எதிர்பார்ப்பை உருவாக்கி அனைவரையும் முதல் இரண்டு நாட்களிலேயே படத்தை பார்க்க வைத்து ஓரளவு வசூலை தேத்தி விடுகின்றனர்... எந்திரனில் ஆரம்பிக்கப்பட்டஇந்த சந்தைபடுத்தும் முறை ரா ஒன்னில் உச்சத்தை தொட்டது... இப்படி அதிக திரையரங்குகளில் படத்தை போட்டுஅதிகபடியான விளம்பரங்கள் மூலம் அதிக எதிர்பார்ப்பை உருவாக்கியிராவிட்டால் ரா ஒன் என்னும் மொக்கை படத்தால் 180 கோடி வசூலித்திருக்க முடியாது... ஷாருக்கின் முந்தைய பெரியபிளாக் பஸ்டர் படங்களே 2 வருடங்கள் தொடர்ந்து ஓடினாலும்இவ்வளவு வசூலித்திருக்க வாய்ப்பில்லை... இந்த வியாபார முறை எவ்வளவு பெரிய ஹிட் என்பதை ரா ஒன் மூலம் புரிந்துகொள்ளலாம்...இப்பொழுது எல்லா ஹீரோக்களும் இதே வியாபார முறையை பின்பற்றஆரம்பித்து விட்டனர்... அதன் நீட்சிதான் இந்த y this kolaveri பாடலும் அது பிரபலமாக்கபட்ட விதமும்... இதற்க்கு முன்னர்பட்டிதொட்டிகளில் எல்லாம் பட்டைய கிளப்பியஜெமினியின் ஓ போடு , காதலில் விழுந்தேன் நாக்கு முக்கா போல இந்த பாடல் தானாக ஹிட் ஆகவில்லை , படத்தை பற்றிய எதிர்பார்ப்பை உருவாக்கவே ஹிட் ஆக்கபட்டிருக்கிறது என்று எண்ணுகிறேன்... படம் வெளிவரும் பொதுஇந்த பாடல் படத்தின் பிரதான விளம்பரமாக சந்தைபடுத்தபடும்.. நாமும் வழக்கம் போல பாடலைமனதில் வைத்து படத்திற்கு சென்று , பின்னர் புலம்ப வேண்டியதுதான்...

இம்சை அரசன் படத்தில்ஒரு வசனம் வரும் விளம்பரபடுத்தினால் நம் மக்கள் மாட்டு மூத்திரத்தை கூட இளநீர் என்று நம்பி வாங்கி குடிப்பார்கள் என்று... 7 ஆம் அறிவுக்கு போடப்படும்சில விளம்பரங்களையும் , இந்த y this kolaiveriயையும் பார்க்கும் போது அப்படிதான் தோணுகிறது?

கனிமொழிஈஈஈஈஈஈஈஈஈஈஈஈஈஈ....

ஐய்யா சாமீகளா? அக்கா ஜாமீன்லதான் வந்திருக்கு அதுக்கே இப்படியா? நாளைக்கே அக்கா வழக்குல இருந்து விடுதலை ஆகிடுச்சினாஇவனுங்க எப்படியெல்லாம் பேனர் வப்பாங்கன்னு நெனச்சாலே கண்ணகட்டுது....

மகாகவி

கொஞ்ச நாளா இவரு ஏதோ சூனியம்வச்சது மாதிரிதான் பேசிக்கிட்டு இருக்காரு... அவரோட புஸ்தக வெளியீடு நடக்க போற தேதி நெருங்க நெருங்க அவருக்கு வச்ச சூனியமும் நல்லாஉக்கிரமா வேலைய காட்டுது போல... இல்லைனா சிம்புவை மகாகவி பாரதிக்குஇணையா எழுதுவாரா? இங்க போயி படிங்க மக்களே அந்தகாமெடிய... இவரு சின்ன வயசுல நினைத்த வரிகளை சிம்பு இப்ப பாடியதால் சிம்பு மகாகவியாம்...என்ன சொல்ல வராருன்னு புரியுதா மக்களே.. அவரு சின்ன வயசுலையே மகாகவி ஆகிட்டாராம்... பாரதிக்கு நேர்ந்த அசிங்கம்....

பொண்டாட்டி ஊருக்கு போயிட்டாப்பா (ஒரு டாஸ்மாக் பதிவு)

2011-11-15T13:33:00.001+05:30

இந்த உலகத்தில் மட்டும் இல்லை இந்த அண்டவீதியிலேயே வேற எங்கெங்க எல்லாம் மனித இனம் இருக்கோ அங்க எல்லாம் வாழ்ந்துக்கிட்டுஇருக்கிற பாவப்பட்ட ஆம்பளைகளுக்கு (அதாங்க கல்யாணம் பண்ணுணஜீவன்கள்) கிடைக்க கூடிய அதிகபடியான சந்தோஷம் அவன் மனைவி தனியா அவங்க அம்மாவீட்டுக்கு போறதுதான்... இந்த சந்தோஷம் அடிக்கடிகிடைக்கணும்கிறதுக்காகவே அவனோட மாமனாருக்கோ மாமியாருக்கோ வருஷம் முழுக்கநெஞ்சு வலி வரணும்னு வேண்டிக்கிற பாவப்பட்ட பல ஜீவன்கள் இப்பவும் வீட்டுக்கு வீடு வாழ்ந்துக்கிட்டுதான் இருக்கு .... என் நண்பன் ஒருத்தன் இருக்கான் , அவனுக்கு கல்யாணம் ஆகி ஒரு வருஷம்தான் ஆகுது... கல்யாணதுக்கு முன்னாடி எல்லாம் தினமும் சரக்கடிச்சிட்டு வீட்டுக்குபோறவன் , இப்ப வாரத்துக்குஒருக்கா கூட சரக்கு அடிக்கமுடியாமல் ரொம்ப திண்டாடுறான் ... காரணம் ஒருதடவைசரக்கு அடிச்சா ஒரு வாரத்துக்கு மேட்டர் கிடையாதுன்னு அவன்பொண்டாட்டி போட்ட புது ரூல் ... ஒரு கையில சரக்கையும் , இன்னொரு கையில மலையாள பிட்டு பட சிடியையும் காட்டி ரெண்டுல ஏதாவதுஒண்ணுதான் கிடைக்கும்னு சொன்னா ,மலையாள பிட்டுக்கே முன்னுரிமை கொடுக்கும் வீக்கான சமூகம் இந்த ஆண் சமூகம் ... கல்யாணத்திற்க்கு பிறகு சரக்கும் பிட்டும் சேர்ந்து கிடைப்பது மிக அபூர்வம் ... சரக்கடித்து கொண்டே பிட்டுபார்க்கும் பாக்கியம் கிடைத்தவர்கள் எல்லாம் அவர்கள் மனைவிக்கு அவர்கள் வாழும் தெரு முனையில் சிலையே வைக்கலாம் ... கண்ணகி போல அவர்களும் அபூர்வ பிறவிகள்தான்...

போர் அடித்தால் பீர்அடிக்கும் மற தமிழர்கள் நாம்.... நாடே மழை தண்ணியில்மிதந்த போதெல்லாம் மக்களை காக்க என்ன செய்யலாம் என்று கூடி ஆலோசிக்காமல் , டாஸ்மாக்கில் தண்ணி விற்பனை குறைந்து விட்டால் , உடனே அமைச்சரவையை கூட்டி ஊருக்கு ஊர் உயர் ரகமதுக்கடைகளை திறக்கும் “குடி”யரசு நம் அரசு... இப்படி பட்ட ஒரு சமூகத்தில் வாழும் ஒருவன் சரக்கு அடிக்க வழியில்லாமல்அவதிபடுவது என்பது காதலர்தினத்தன்று மெரினா பீச்சில் காதலி இல்லாமல் தனியாகசுற்றுவதை போல கொடுமையானது ... இன்றுதிருமணம் ஆன பல ஆண்கள் இந்த கொடுமையை தாங்கிக்கொண்டுதான் வாழ்ந்துகொண்டிருக்கிறார்கள்... கனிமொழிக்கு ஜாமீன் கிடைக்காத கலைஞரை போல டாஸ்மாக்கைபார்க்கும் போதெல்லாம் எங்கள் மனம் கனக்கிறது , இதயம் வலிக்கிறது... சச்சினுக்கு நூறாவது சதம்எப்படியோ அப்படித்தான் எங்களுக்கு சரக்கும் எவ்வளவு முயன்றும் எட்டாக்கனியாகவேமாறிவிட்டது...

இப்படி வாழ்வின்பெரும் சுகத்தை இழந்து விட்டு அடிமைகளாய் வாழும் எங்களுக்கு கிடைக்கும் தற்காலிகவிடுதலைதான் பொண்டாட்டி ஊருக்கு போவது ... பக்கத்து ஊரில் பெண் எடுத்தவர்களுக்குஇந்த அதிர்ஷ்டம் அடிக்கடி கிடைக்கும் ஆனால் நீண்ட நேரம் நீடிக்காது தேமுதிகா வின் வெற்றியை போல , காலையில் போகும் மனைவி மாலையில் திரும்பி விடுவாள்... ஆனால் என்னை போன்றதொலைதூரத்தில் பெண் எடுத்தவர்களுக்கு இந்த அதிர்ஷ்டம் எப்பொழுதாவதுதான் அடிக்கும் , ஆனால் ஒருமுறை கிடைத்துவிட்டால் குறைந்தது மூன்று நாலாவது நீடிக்கும்... அதுவும் ஒரே நேரத்தில் நம்மனைவியும் நம் நண்பனின் மனைவியும் அவரவர் அம்மா வீட்டுக்கு செல்லும் அதிசயம்எல்லாம் நம் வாழ்க்கையில் ஒரு மாமாங்கத்துக்கு ஒருமுறைதான் நிகழும்... இதோஇப்பொழுது என் வாழ்க்கையில் அந்தஅதிசயம் நடந்து விட்டது ... என் பொண்டாட்டி ஊருக்கு போயிட்டா...

திரும்பவும் இந்த வாய்ப்பு ரெண்டு மூணு வருசத்துக்குஅப்பறம்தான் கிடைக்கும்.. மூன்றே நாளில் மூன்று வருடத்திற்கான வாழ்க்கையை வாழும் சூத்திரம் கல்யாணம் ஆன ஆண்களுக்கு மட்டுமே தெரிந்த ரகசியம் .. இந்த மூன்று நாளில் எந்த பெரிய மனுசனும் மண்டைய போடாம இருக்கணும் ... இல்லைனா டாஸ்மாக்க மூடிருவாணுக...அப்படி எதுவும் அசம்பாவிதம் நடக்கக்கூடாதுன்னு போதைதருமரை (அதாம்பா நம்ம கேப்டன் விசயகாந்து) வேண்டிக்கிட்டு டாஸ்மாக்குக்கு கெளம்புறேன் பாஸ்...

கடைசியா நம்ம முதல்வருக்கு டாஸ்மாக்குள அதிரடியா விற்பனையை அதிகரிக்க ஒரு நல்ல ஐடியா ... யானையயெல்லாம் முதுமலை காட்டுக்குகட்டாய ஓய்வுக்கு அனுப்பிவச்ச மாதிரி எல்லா பொண்டாட்டிகளையும்ஒரு நாலு நாளைக்கு கட்டாய ஓய்வுன்னு சொல்லி அவங்கஅவங்க அம்மா வீட்டுக்கு அனுப்பி வச்சிடுங்க .. ஒரே கல்லுல ரெண்டு மாங்கா அடிக்கலாம் ... டாஸ்மாக்குள கூட்டமும் கூடும் , இந்தஆண் சமூகமே உங்களை தெய்வமாக போற்றி வணங்கும்... சாகுறவரைக்கும் நீங்கதான் தமிழக முதல்வர் ...

ஏழரை அறிவும் உலகநாயகன் கமலும்

2011-11-08T19:46:00.000+05:30

ஏழரை அறிவு

இந்த படத்தில் ஒரு வசனம் வரும் .. தமிழ் தமிழன்னு கூத்தடிக்கிறது இப்பஒரு பேஷன் ஆகி விட்டது என்று ... இதைத்தான் நமக்கு நாமே ஆப்புவைக்கிறதுன்னு சொல்றது .... தமிழுணர்வு என்று சொல்லி அரசியலிலும் ,கல்வியிலும் காசு பார்த்துகொண்டிருந்தவர்கள் இப்போழ்து சினிமாவிலும்ஆரம்பித்துவிட்டார்கள் ... நீங்கள் உண்மையிலேயே தமிழை தமிழர்களை வாழவைக்கபெருமைபடவைக்க படம் எடுக்க வேண்டும் என்று ஆசைபட்டால் ஐம்பெரும் காப்பியங்கள்என்று சொல்லப்படும் சிலப்பதிகாரம் , சீவகசிந்தாமணி போன்ற பழையகாப்பியங்களை இன்றைய டெக்னாலஜி உதவியுடன் பிரமாண்டமாக படம் எடுத்து பழையதமிழனின் படைப்பு திறமையை இன்றைய உலகம் அறிய காட்டியிருக்கலாமே .... இல்லைபோதிதர்மனை உலகம் அறிய செய்ய வேண்டும் என்றால் அவரை பற்றியாவது முழுமையாககாட்டியிருந்திருக்கலாம்... அதைவிட்டு விட்டு கடைசியில் படத்தின் நாயகன்வில்லனை புரட்டி புரட்டி எடுக்க வேண்டும் என்ற ஒரே காரணத்திற்க்காகமட்டும் போதிதர்மனை ஏதோ ஒரு லேகியம் தயாரிக்கும் சித்த வைத்தியனை போல ,கண்கட்டி வித்தை காட்டும் மேஜிக்காரனை போல முதல் பாதியில் அரைகுறையாககாட்டியிருக்கிறார்கள். கண்டிப்பாக போதிதர்மனுக்காக படம் எடுக்கவில்லைஇவர்கள் படத்திற்கு போதிதர்மனை பயன்படுத்தியிருக்கிறார்கள்.... ஆனால் அவர்கள் ஆசைப்பட்டது ஓரளவு நிறைவேறிவிட்டது என்றுதான் படம் பார்க்கும் போது தோன்றியது .... முதல் பாதி மொக்கையாக செல்லும் படம் போதிதர்மன் புண்ணியத்தில் இரண்டாம் பாதியில் சூடு பிடிக்கிறது ... சில பல லாஜிக் சொதப்பல்கள் இருந்தாலும் விறுவிறு திரைக்கதைக்காக ரசிக்கலாம்...

படத்தில் குறிப்பிடப்படவேண்டிய விசயங்கள் அந்த சீன வில்லனும் சுருதி ஹாசனும் தான் .... சுருதி பேர் சொல்லும் பிள்ளையாக நடிப்பில் ஜொலிக்கிறார் ... சில காட்சிகளில் ரொம்ப அழகாக இருக்கிறார் ... பாடல்களில் நன்றாக நடனம் ஆடுகிறார் .. மொத்தத்தில் ஒரு குட்டி லேடி கமலாக தமிழில் தன் ஆட்டத்தை ஆரம்பித்திருக்கிறார் ... கண்டிப்பாக அவர் அப்பாவுக்கு இன்னும் பெருமை சேர்க்கமுடியாமல் போனாலும் அவர் பேரை கடைசி வரை கெடுக்க மாட்டார் என்று நம்பலாம்...

கமல் ' A Universal Hero '

சென்ற வாரம் கேரளாவின் புனலூரில் ஒரு மதுபான விடுதியில் நானும் என் நண்பனும் அமர்ந்து மது அருந்திகொண்டிருந்தோம் ... அப்பொழுது இரண்டு மலையாளிகள் எங்கள் அருகில் உக்கார்ந்து தண்ணி அடித்து கொண்டிருந்தார்கள் ... அவர்களிடம் மெல்லமாக பேச்சு கொடுக்க ஆரம்பித்தேன் .... புனலூரில் என்ன என்ன ஸ்பெஷல் என்று ஆரம்பித்த பேச்சு மெல்ல மெல்ல கம்னியுசம் பக்கம் திரும்பி கடைசியில் சினிமாவில் முடிந்தது ... அவர்களிடம் நம்ம ஊர் ஹீரோக்கள் பற்றி கேட்டேன் ... ரஜினியையும் "விசை"யையும் வசூல் மன்னர்கள் என்று சொன்னார்கள் ... அஜித் பற்றி கேட்டேன் சிடிசன் , வரலாறு , இப்பொழுது மங்காத்தா என்று அவருடைய ஹிட் படங்கள் கேரளா ஹீரோக்களின் படங்களை விட அதிகம் வசூல் ஆகியதை சொன்னார்கள் ... ஆனால் விசை படங்கள் என்றால் நகர்ப்புறங்களில் நல்ல வசூல் இருக்குமாம் ... கடைசியாக மமூட்டியும் மோகன்லாலும் நடிக்கும் கேரள மண்ணில் அவர்கள் யாரை சிறந்த நடிகனாக பார்க்கிறார்கள் என்று தெரிந்து கொள்ள உங்கள் ஊரில் யார் நடிப்பை எல்லாரும் ரசித்து பார்ப்பார்கள் என்று கேட்டேன் ... அவர்கள் சற்றும் தாமதியாமல் எங்க ஊரில் மட்டும் இல்லை ஒட்டுமொத்த இந்தியாவிலும் கமலை போன்ற சிறந்த நடிகன் யாருமே இல்லை என்று பெருமையாக சொன்னார்கள் ... அதுவரை ரஜினியை சூப்பர் ஸ்டார் என்றோ , விசையை தளபதி என்றோ , அஜித்தை தல என்றோ பட்டங்களை வைத்து அழைக்காதவர்கள் , கமலை வார்த்தைக்கு வார்த்தை உலகநாயகன் என்றுதான் அழைத்தார்கள் ... கமலஹாசன் ஆரம்பகாலத்தில் கேரள மண்ணில் நடித்தது எங்களுக்கெல்லாம் பெருமையான விஷயம் என்றும் கூறினார்கள் ... எனக்கு பயங்கர ஆச்சரியமாக இருந்தது நம்மிடம் யாராவது வந்து உனக்கு பிடித்த நடிகன் யார் என்று கேட்டால் கண்டிப்பாக மம்முட்டியவோ இல்லை மோகன்லாலையோ சொல்லமாட்டோம் ... தமிழன் என்ற இகோவில் ஏதாவது ஒரு தமிழ் நடிகனின் பெயரைத்தான் சொல்லுவோம் , ஆனால் ஒரு கேரளாகாரன் ஒட்டுமொத்த இந்தியாவிலும் கமலை போல சிறந்த நடிகன் இல்லை என்று பெருமையாக கூறினான் ... அடுத்த மொழிகாரனையும் தன நடிப்பால் கட்டிபோட்ட கமல் உண்மையிலேயே உலகநாயகன்தான் ...

எங்கள் ஊரில் கமல் ரசிகர்கள் மிக அதிகம் .. தெனாலி படம் பார்க்கும்போது கமல் அவருடைய அம்மாவை பற்றி ஒரு வசனம் பேசுவார் ... திரையரங்கில் இருந்த ஒட்டுமொத்த ரசிகனும் எழுந்து நின்று கைதட்டினார்கள் ... நான் எழுத்து சுவாரஷ்யத்திர்க்காக இதை சொல்லவில்லை ..... உண்மையிலேயே தியேட்டரில் இருந்த அனைவருமே எழுந்து நின்று கைதட்டினார்கள் ... தனக்கு பிடித்த ஹீரோ பஞ்ச் வசனம் பேசும் போது ரத்தம் சூடாகி விசில் அடுக்கும் ரசிகனையே அதுவரை பார்த்து பழகிய எனக்கு அது ஒரு புது அனுபவமாக இருந்தது ... அன்று முதல் இன்று வரை கமல் படங்கள் வந்தால் அதை முதல் நாளே பார்த்து ரசிக்கும் அவரின் கோடிக்கணக்கான ரசிகர்களில் நானும் ஒருவன்... மன்மதன் அம்புவில் சொதப்பியிருந்தாலும் , விஸ்வரூபம் மூலம் மீண்டும் நடிப்பில் விஸ்வரூபம் எடுக்க அவர் பிறந்த நாளில் வாழ்த்துவோம்...

தோற்கடிக்க முடியாதவன்

2011-11-05T15:29:00.000+05:30

நான் ஒரு தீவிரமான அஜீத் ரசிகன் ... சின்ன வயதில் நான் இன்னும் சில நடிகர்களை இதை விட அதிகமாக ரசித்திருக்கிறேன் .. ஆனால் ஒரு குறிப்பிட்ட வயதில் எனக்கு வாழ்க்கை குறித்த பக்குவமும் புரிதலும் வந்த பின்னர் ஒரு சினிமா நடிகனை நாம் ஏன் தலையில் தூக்கி வைத்து கொண்டாடவேண்டும் என்று அந்த ரசிப்புதன்மையில் இருந்து என்னை விடுவித்து கொண்டேன்... ஆனால் ஏனோ அஜீத் மீதான ஒரு பாசம் மட்டும் என்னை விட்டு நீங்கவே இல்லை .. நானே ஒரு சினிமா நடிகனை நாம் ஏன் ரசிக்க வேண்டும் , நேசிக்க வேண்டும் என்று பல சமயங்களில் எண்ணியதுண்டு ஆனால், இன்று பத்ரி சேஷாத்ரி அவர்களின் வலையில் வந்த ஒரு பதிவு நான் நேசிப்பதும் ரசிப்பதும் ஒரு நல்ல மனிதனைத்தான் என்ற திருப்தியை எனக்குள் ஆழமாக விதைத்து விட்டது ... அந்த பதிவை எனக்கு தெரிந்த சில அஜீத் ரசிக நண்பர்களும் அறிந்து கொள்ளவேண்டும் என்று என்னுடைய பதிவில் ரி ஷேர் செய்கிறேன் ... அவர் பதிவின் லிங்க் இதோ

http://thoughtsintamil.blogspot.com/2011/11/blog-post_05.html

வேலாயுதம் - ங்ங்ங்ங்ங்ங்ங்ங்ங்ங்ங்ங்ங்ங்ங்கே

2011-10-28T20:47:00.000+05:30

முதலில் பத்து வருடங்களுக்கு முன்னாள் வந்த ஒரு தெலுங்கு படத்தைஇப்பொழுது தமிழில் எடுத்து தமிழனின் ரசனையை கேவலபடுத்தியதர்க்காகஇயக்குனருக்கு ரசிகர்கள் சார்பில் கண்டனங்கள் .... ஷங்கர் 1990 இல்இருந்து 2004 வரை கசக்கி பிழிந்து சாறு எடுத்த ஒரு கதையை, அவரே இனி இதுஉதவாது என்று 8 வருடங்களுக்கு முன்னரே தூக்கி குப்பையில் போட்ட கதையைமீண்டும் தோண்டி எடுத்திருக்கிறார்கள் .... குப்பையை தோண்டினால் வைரமாவரபோகிறது குப்பைதான் வந்திருக்கிறது .... கேப்டன் முதல் சியான் வரைபலரும் செய்த மக்களை காப்பாற்றும் சூப்பர் ஹீரோ வேலையை கொஞ்சம் கூட அச்சுபிசகாமல் இந்த படத்தின் ஹீரோவும் செய்கிறார் ... ஆனால்மக்களை ரசிக்க வைக்க எட்டு வருடங்களுக்கு முன்னரே அந்நியனில் இதே மக்களை காப்பாற்றும்சூப்பர் ஹீரோ கதைக்கு multiple personality என்று ஒரு புத்தம் புது ஊறுகாய் தேவைப்பட்டதுஷங்கருக்கு .... ஆனால் இவர்கள் டி ஆர் காலத்து தங்கச்சி சென்டிமென்ட்டைதூசி தட்டி ஊறுகாய் ஆக்கியிருக்கிறார்கள் ... பாஸ் இந்த ஊசி போன ஊறுகாயை எத்தனை நாளைக்குதான் நாங்க சாப்பிடுறது ...

இந்த படத்தின் ஆக பெரிய பலவீனம் என்னவென்றால் கதை திரைகதைகாட்சியமைப்புகள் , பாடல்கள் , என்று எதிலுமே புதுசாக எதுவும் கிடையாதுஎல்லாமுமே யூகிக்க கூடியது என்பதுதான்... முதல் பாதியில் ஹீரோவும் அவர்தங்கையும் காமெடி பண்ணுகிறோம் என்று சொல்லி மொக்கை போடுவார்கள்..தியேட்டரில் இருந்த ஹீரோவின் ரசிகர்களை தவிர வேறு யாரும் சிரிக்கவில்லை... அந்த காமெடிக்கு சிரித்து கொண்டிருந்த ஒரு ரசிகனை அவருடைய நண்பர்களேஏதோ வேற்று கிரக வாசியை பார்ப்பது போல பார்த்தார்கள் ... முதல் பாதியில்கொஞ்சமேனும் ரசிக்க வைத்த விஷயம் சந்தானம் வரும் சில காட்சிகள் ... அதைதவிர்த்து பெரியதாக ஒன்றும் இல்லை ...

இரண்டாம் பாதிதான் படத்தின் மிகபெரிய மொக்கை ....வழக்கம் போல மக்களை காப்பாற்றுகிறேன் என்று படம் பார்க்கும் நம்மை சாகடிக்கிறார் ஹீரோ.... கொஞ்சம்கூட சுவாரஸ்யமே இல்லாத காட்சியமைப்புகள் , லாஜிக்கே இல்லாததிரைகதை , ஏற்கனவே ஷங்கர் படங்களில் கேட்டு கேட்டு புளித்துப்போன வசனங்கள், மொக்கையானகிளைமாக்ஸ் என்று பொறுமையை அளவுக்கு மீறி சோதித்து அனுப்புகிறார்கள் ...இந்த படம் ஒரு பத்து வருடங்களுக்கு முன் வந்திருந்தால் ரசித்திருக்கலாம்.... இன்றைய காலகட்டத்தில் இதை போன்ற படங்கள் கண்டிப்பாக பார்பவர்களுக்கு கடுப்பைதான் வரவழைக்கும் ... வேலாயுதமும் அதைதான் செய்கிறது ....

ஜெனிலியா , ஹன்சிகா , சரண்யா மோகன் என்று எல்லாருமேவீணடிக்கபட்டிருக்கிறார்கள் ... மொத்தத்தில் என்னை பொறுத்தவரை வேலாயுதம்மழுங்கி போன பழைய ஆயுதம் ...

(இந்த படத்தை பற்றி எழுதம் போது ஏதோ கே டிவி யில் பார்த்த பழைய படத்தைபற்றி எழுதுவது போல ஒரு பீல் வருவதால் இதற்க்கு மேல் எதுவும் எழுதபிடிக்கவில்லை... இந்த படத்தையும் நல்லா இருக்கு என்று சொல்லும் இந்த படஹீரோவின் ரசிகர்களை பார்க்கும் போது அவர்கள் எவ்வளவு காய்ந்து போய்இருக்கிறார்கள் என்பது அப்பட்டமாக தெரிகிறது ... இனிமேலாவது அவர்களின்ஆஸ்தான நடிகர் இதை உணர்ந்து நல்ல படங்கள் கொடுத்தால் அவருக்கும் அவர்ரசிகர்களுக்கும் நல்லது ... இல்லை எனக்கு சினிமாவே வேண்டாம் நான்முதலமைச்சர் ஆக போகிறேன் என்று அரசியலில் இறங்கி விட்டால் தமிழ்சினிமாவுக்கே நல்லது)

ரா ஒன்

2011-10-26T17:45:00.000+05:30

.. 7 ஆம் அறிவு படம் மொக்கை என்று நேற்று இரவே தெரிந்துவிட்டபடியால் வேறு வழியே இல்லாமல் இந்த படம் பார்க்க நேர்ந்தது ... இந்த படம் பார்க்க இன்னொரு முக்கிய காரணம் இதற்க்கு முன் DVD யில் நான் பார்த்த ஷாருக்கானின் சில ஹிட் படங்கள் .... ஆனால் திரையில் நான் பார்க்கபோகும் முதல் ஷாருக்கான் படமே இவ்வளவு பெரிய மொக்கையாக இருக்கும் என்று நினைக்கவே இல்லை ... படம் வருவதற்கு முன்னாள் இது எந்திரன் படத்தின் காப்பி என்று பரபரப்பாக பேசப்பட்டது... தானாக யோசித்து இப்படி ஒரு அட்டு படம் எடுத்ததற்கு பேசாமல் எந்திரனையே காப்பி அடித்திருக்கலாம் ... ரஜினி ஒரு காட்சியில் வருகிறார் என்பதை தவிர எந்திரனுக்கும் இதற்கும் வேறு சம்பந்தம் கிடையாது... ஆனால் tron legacyயை கொஞ்சம் உல்ட்டா செய்து இந்த படம் எடுத்திருக்கிறார்கள்...

இந்த படம் ஒரு வகையில் tron legacy படம் போன்றதுதான் .. அதில் நிஜ உலகில் இருந்து டிஜிட்டல் உலகிற்குள் மனிதர்கள் செல்லுவார்கள்... இதில் டிஜிட்டல் உலகில் இருந்து வீடியோ கேம் கதாபாத்திரங்கள் நிஜ உலகிற்குள் நுழைகின்றன... ஷாருக்கான் ஒரு வீடியோ கேம் ப்ரோகிராமர்... அவர் எப்பொழுதும் வீடியோ கேமில் ஹீரோவுக்கே அதிக பவர் இருக்கும்படியாக வடிவமைப்பார் .. ஆனால் அவரின் மகள் ஒரு சண்டை பிரியை .. அவளுக்கு ஹீரோவை விட வில்லனையே அதிகம் பிடிக்கும் ... காரணம் ஹீரோவுக்கு சில rules and regulations இருக்கும் , ஆனால் வில்லனுக்கு அது கிடையாது ... அவன் எதற்கும் கட்டுப்பட தேவையில்லை , ரொம்ப கூலாக இருந்துகொண்டு தான் நினைத்ததை முடிக்க எது வேண்டுமானாலும் செய்ய வில்லனால் மட்டுமே முடியும் (சிம்பிளா நம்ம மங்காத்தா தல மாதிரி) , தன மகளின் ஆசைக்கு கட்டுப்பட்டு ஷாருக் அப்படி ஒரு வில்லன் கதாபத்திரத்தை artificial intelligence உதவியுடன் வடிவமைக்கிறார் ... கூடவே அவனை அழிக்க ஒரு ஹீரோ... வில்லன் ரா ஒன் ... ஹீரோ ஜி ஒன் ... ஒரு எதிர்பாராத சயமத்தில் ரா ஒன் நிஜ உலகிற்கு ஷாருக்கின் மகளை கொல்லும் திட்டத்தோடு நுழைகிறது ... ஷாருக்கின் மகள் எப்படி ரா ஒன்னை ஜி ஒன் உதவியுடன் அழிக்கிறாள் என்பதே மீதி கதை ...

படத்தின் ஒரே பலம் ஷாருக் மட்டுமே ... நேர்மையான ப்ரோக்ராமர் மற்றும் ஜி ஒன் என்று ரெட்டை வேடம் , முதல் பாதி முழுவதும் படம் கொஞ்சம் கலகலப்பாக செல்ல ஒரே காரணம் ஷாருக் மட்டுமே... மைக்கல் ஜாக்சன் வேடம் போட்டு அவர் போடும் கெட்ட ஆட்டம் கலக்கல் ... பகவத் கீதையில் இருந்து தன மகளுக்கு நேர்மையின் அவசியத்தை உணர்த்தும் காட்சிகளில் பக்குவம் தெரிகிறது ... ஆனால் அவர் கதாபாத்திரம் இடைவேளைக்கு கொஞ்சமே கொஞ்சம் முன்னாள் சாகடிக்கப்பட்டு விடுகிறது... அதிலிருந்து ஜி ஒன்னின் அட்டகாசம்... ஜி ஒன்னின் அறிமுகம் சும்மா ரஜினி அறிமுகம் போல உள்ளுக்குள்ள நமக்கு அதிருது ... ஆனால் சுவாரசியமில்லாத திரைகதை , ஏகப்பட்ட லாஜிக் மீறல்கள் என்று இயக்குனர் சொதப்பியதால் கொஞ்ச நேரத்திலேயே நமக்கு நமநமத்து போகிறது....

ரஜினி வரும் காட்சி பற்றி சொல்லுவதற்கு ஒன்றும் இல்லை .. வழமையாக ஷாருக்கான் படங்களில் மற்ற நடிகர்கள் எப்படி பயன்படுத்தபடுவார்களோ அதேபோல இவரும் நக்கலடிக்கவே பயன்படுத்தப்பட்டு இருக்கிறார் ... ரஜினியை காட்டும் போது கரீனா கபூர் தலையில் முக்காடு போட்டு கன்னத்தில் போட்டு கொள்ளுவதை ரஜினியின் தீவிர ரசிகர்கள் எப்படி எடுத்துகொள்ளுவார்களோ தெரியாது... எனக்கு ரஜினியோடு சேர்த்து நம்மையும் நக்கலடிப்பதை போலவே தெரிகிறது... அந்த காட்சியில் ரஜினியை பார்க்கும் போது கந்தசாமியில் கிருஷ்ணாவை பார்த்தது போலவே இருந்தது ... வயசும் நோயும் சேர்ந்து ரஜினியின் கம்பீரத்தை கொஞ்சம் ஆட்டம் காண வைத்துவிட்டனவோ?

படத்தின் மிக பெரிய பலவீனம் லாஜிக் ஓட்டைகள் படம் முழுவதும் நிரம்பி கிடப்பதுதான் , குறிப்பாக வீடியோ கேம் கதாபாத்திரங்கள் எப்படி நிஜ உலகிற்குள் நுழைகின்றன , கேமில் simulation மூலம் இயங்கும் அவைகள் நிஜ உலகில் எவ்வாறு இயங்குகின்றன என்பதற்கான ஏற்றுக்கொள்ளும் படியான விளக்கம் எதுவும் படத்தில் இல்லை , அதேபோல் இரண்டாம் பாதி முழுவதும் எளிதில் யூகித்து விட கூடிய காட்சியமைப்புகள்.. நிஜ உலகில் நடக்கிறதா இல்லை டிஜிட்டல் உலகில் நடக்கிறதா என்று புரிந்து கொள்ளமுடியாத கிளைமாக்ஸ் என்று பல விஷயங்கள் என்னதான் கிராபிக்ஸ் மலைக்க வைத்தாலும் படத்தோடு நம்மை ஒன்றவிடாமல் செய்து விடுகின்றன...

நான் இந்த படத்தை சென்னை கோயம்பேடு ரோகினி காம்ப்ளெக்ஸ்சில் பார்த்தேன் ... அதில் இன்று வெளியான மூன்று படங்களுமே திரையிடபட்டிருந்தன ... ரா ஒன் திரையிடப்பட்ட திரையரங்கில் காலையில் வேலாயுதம் ஸ்பெஷல் ஷோ திரையிடபட்டிருந்தது... நாங்கள் திரையரங்கிற்கு வெளியே நின்றுகொண்டிருந்த போது வேலாயுதம் கிளைமாக்ஸ் ஓடிகொண்டிருந்தது ... அப்பொழுது இருவர் தியேட்டரை விட்டு வெளியே வந்தார்கள் .. ஆனால் தியேட்டர் ஊழியர்கள் அவர்களை வெளியே போகவிடாமல் வீட்டுக்கு போகணும் சார் என்று அவர்கள் கெஞ்சியும் கேட்காமல் அவர்களை மீண்டும் தியேட்டருக்குள் அனுப்பி கதவை மூடிவிட்டார்கள்... அதை பார்த்து கூட்டத்தில் நின்று கொண்டிருந்த ஒருவர் விஜயை பற்றி வரும் எஸ்எம்எஸ் எல்லாம் உண்மையாகத்தான் இருக்கும் போல என்று நக்கல் விட்டார் ... அதேபோல் இன்னொரு திரையரங்கில் 7 ஆம் அறிவு பார்த்து விட்டு வெளியே வந்த கும்பலில் ஒருவர் எங்களை நோக்கி யாராவது 7 ஆம் அறிவு படம் பார்க்க நின்றுகொண்டு இருந்தால் இப்படியே தப்பிச்சி ஓடிருங்க என்று எச்சரித்து விட்டு சென்றார் ... முதல் நாள் மௌத் டாக்கில் இருந்து ஒன்று மட்டும் உறுதியாகிவிட்டது ... 7 ஆம் அறிவோ இல்லை வேலாயுதமோ ஹிட் ஆக வாய்ப்பு இருக்கே தவிர பெரிய அளவில் வசூலை குவிக்க முடியாது என்பதுதான் அது ... ஸோ இந்த வருடத்தின் ஒரே ப்ளாக்பஸ்டர் தலையோட மங்காத்தா மட்டும்தான் ... 2011 தமிழ் சினிமாவை பொறுத்தவரை தல வருஷம்... அதே போல ஒபெநிங்கை பொறுத்த வரை தலைதான் கிங் என்பதை ஆகஸ்ட் 31 மற்றும் இந்த தீபாவளிக்கு தியேட்டரில் கூடிய கூட்டங்கள் அழுத்தம் திருத்தமாக நிரூபித்துவிட்டன ... 5 நாளில் 27 கோடி இல்லை அதில் பாதி 14 கோடி கூட இந்த படங்களால் வசூலிக்க முடியாது என்பது இந்த ஒரே நாளில் தெரிந்துவிட்டது ...

THIS DEEPAVALI CLEARLY SHOWS THALA IS THE ONE AND ONLY EMPEROR OF OPENING IN TAMIL CINEMA

வாகை சூடா வா..

2011-10-20T18:38:00.000+05:30

இதுவாத்தியார்களுக்கான படம் ... இன்று நம் தலைமுறையில் நாமெல்லாம் அமெரிக்காவில்அமர்ந்து பொட்டி தட்டி கொண்டிருக்கிறோம் என்றாள் , ஒரு காலத்தில் நம் பாட்டனும் பூட்டனும்வாழ்ந்த குக்கிராமத்திற்க்கு தன் சொந்தங்களையும் , பந்தங்களையும் விட்டு விட்டு தமிழகத்தின் ஏதோஒரு மூலையில் இருந்து வந்து பள்ளிக்கூடம் அமைத்து பாடம் சொல்லிக்கொடுத்த அந்தவாத்தியும் ஒரு முக்கிய காரணம்... எந்திரனில் உச்சம் தொட ரஜினிக்கு அபூர்வ ராகங்கள் எவ்வளவு உதவியதோ அந்த அளவிற்க்கு நம் வாழ்க்கையில் முன்னேற்றத்திற்க்கு உதவியவர்கள் அவர்கள்...

பசி எடுக்கிறஒருவனுக்கு மீனை பிச்சை போடுவதை விட அவனுக்கு மீன் பிடிக்க கற்று கொடு என்றுஜப்பானோ சீனாவோ ஏதோ ஒரு நாட்டு பழமொழி சொல்லுகிறதாம்... ஆண்டாண்டு காலமாய் அரசனிடமும் அடுத்து பண்ணைகளிடமும் கடைசியாய் ஆங்கிலேயனிடமும் பிச்சை எடுத்து கொண்டிருந்தநமக்கு மீன் பிடிக்க கற்று கொடுத்த சூத்திரதாரிகள்அவர்கள். அவர்களின் பணி அவ்வளவு ஒன்றும்எளிமையானது அல்ல... சந்திரனுக்கு ராக்கெட் அனுப்பும் இந்த காலத்திலேயே நம் நாட்டில்படித்தவர்களின் எண்ணிக்கை 60 சதவீதம்தானாம்.. நிலாவில் பாட்டி வடை சுட்டுக்கொண்டிருந்த அந்த காலத்தில்நம் நிலமை எப்படி இருந்திருக்கும்?... 1.76 லட்சம் கோடி ஊழல் செய்யும்அளவுக்கு பொருளாதார வசதிநிறைந்து கிடக்கும் இந்தகாலத்திலேயே நம் நாட்டில் 4 கோடி குழந்தைதொழிலாளர்கள் இருக்கிறார்களாம்...அப்படி என்றாள் நாப்பது அம்பது வருடங்களுக்குமுன்னாள்?

ஊருக்கு ஒரு கோவில்அமைப்போம் என்ற வாசகத்தை காமராஜர் ஊருக்கு ஒரு பாடசாலை அமைப்போம் என்று மாற்றிஅமைக்க ஆரம்பித்த 60களின் இறுதியில் நடக்கும் கதைதான் வாகைசூடவா.. ஆனால் இந்த கதையில் நம் ஒவ்வொருவரின் வரலாறும் பூடகமாக ஒழிந்திருக்கிறது...செங்கல் சூளையும் , அதில் இரவு பகலாக உழைக்கும் மக்களும் ,ஆண்டையின்ஆட்கள் லாவமாக அவர்களை ஏமாற்றுவதும் அது தெரியாமல் ஆண்டைக்கு அவர்கள் விசுவாசமாகஇருப்பதும் என , தமிழனின் ஓட்டு மொத்த வரலாறும் இந்தகுறியீடுகளில் லாவகமாக பொருந்தி போகிறது...

ஒரு சமூகத்திர்க்கு நல்லது செய்ய வந்த ஒருவன் பிற்காலத்தில் அந்த சமூகத்தின் அழிவிர்க்கு மறைமுகமாக காரணமாகிறான். அப்படி ஒரு கதாபாத்திரமாகவரும் பைத்தியம் பிடித்து அலையும் குருவிகாரன் எனக்கு காந்தியையும் , அண்ணாவையும் ஞாபகபடுத்தி சென்றான் ...அவர்களும் உயிரோடு இன்று இருந்தால் இப்படித்தான் பைத்தியம்பிடித்து அலைந்திருப்பார்கள்... பொருளாதாரத்தைமுன்னேற்றுகிறோம் என்று காட்டையும் நாட்டையும் அழித்து நாம் கட்டி கொண்டிருக்கும்தொழிற்சாலைகளாலும் , சுரங்கங்களாலும் ,குருவிக்கு இடம் இல்லை என்று படத்தில்குருவிகாரன் பேசும் வசனங்கள் மனிதனுக்கு இடம் இல்லை என்று உருமாறும் காலம்வெகுதொலைவில் இல்லை...

இப்படி நம் வாழ்வியலைஅருமையாக திரையில் காண்பித்திருக்கும் அதே வேளையில் திரைபடங்களுக்கே உரியகொண்டாட்டங்களும் திரையில் விரிகிறது.. சர சர சாரகாத்து பாடல் அந்தகொண்டாட்டங்களின் உச்சம்... தூண்டில்இழுபடுவதை வைத்தே மாட்டி இருப்பது எந்த மீன் என்று சரியாகசொல்லுவது , ரேடியோவை ஆஃப் செய்ய தெரியாமல்தண்ணீரில் முக்குவது , முதன் முதலில் எழுதகற்று கொள்ளும் ஒருவன் “அ”னாவை செங்களில் எழுதுவது , பின்னர் மழைவந்து அந்த செங்கல்மொத்தவும் கரைந்து விடுவது ,நான் போறேன் , நீ இருக்கையா? , விதைக்கவே இல்லை நீ அறுக்குற, என்று குருவிகாரன் பேசும் வசனங்கள் இப்படி இயக்குனர் பலஇடங்களில் அட போட வைக்கிறார்...

செங்களை எடுத்துசெல்ல வரும் லாரிக்காரன் செங்களை லாரியில் ஏற்ற உதவிய சிறுவர்களுக்கு காசைகுறைத்து கொடுத்து ஏமாற்ற,அவர்கள் காசை சரியாக எண்ணி எங்கள் உழைப்பிற்க்கு இது போதாது இன்னும் இரண்டு ரூபாய்கொடு என்று அவனிடம் கேட்டு வாங்குவதாய் படம் நிறைவடைகிறது... கல்வியின் அவசியத்தைஇதைவிட வேறு எப்படி சொல்லிவிட முடியும்... ஆனால் நம் சமூகம் இன்னமும் இதைஉணரவில்லை , இல்லையென்றால் படத்தின்இறுதியில் “இது நாடு முழுவதும்இருக்கும் குழந்தை தொழிலாளர்களுக்கு சமர்ப்பணம்” என்னும் வாசகம் போடும் அளவுக்கு கேவலமான நிலமை நமக்கு நேர்ந்திருக்காது...

கருத்து சொல்கிறேன் பேர்வழி என்று மறைமுகமாக மக்களை ஏமாளியாக்கி காசு சம்பாதிக்காமல் (உதாரணம் எங்கேயும் எப்போதும்) ,தான் சொல்லவந்த கருத்தை கொஞ்சம் கூட எதர்க்கும் வளைந்து கொடுக்காமல் இயல்பாக சொல்லியதார்க்காகவே சற்குணத்தை தலையில் தூக்கி வைத்துகொண்டாடலாம்...

களவாணியில் ருசியானகிராமத்து கறி விருந்து படைத்த சற்குணம் ,இம்முறை படைத்திருப்பது சத்தான கேப்பை கூழ்... மார்க்கெட்டில் விலை போகாதுஎன்றாலும் இன்றைய நிலமையில்நமக்கு தேவையானபதார்த்தம்தான் இது...

வேலாயுதம் வரட்டும் – மினி தொடர்கதை பாகம் 2

2011-10-16T12:13:00.002+05:30

முதல் பாகம் படிக்க

சுரேசும் , அவன் நண்பன்ஜோஸெப்பும் பத்தாம் வகுப்பு பொதுதேர்வு விடுமுறையில் பொழுதுபோகாமல் சிம்ரனுக்காக தமிழ்மணி திரையரங்கில் வாலி படம் பார்க்க சென்றிருந்தனர்... அதுதான் அவர்கள் பார்க்கும்முதல் அஜீத் படம், அதில் வரும் அஜித்தின்வில்லத்தனம் எப்படியோ சுரேசுக்கு பிடித்துவிட , அதுவரை தளபதியின்கோட்டையாக இருந்த ஊரில் முதல் அஜீத் ரசிகன் ஜனனம் ஆனான்... வாலி படத்தை அவன் சார்ந்த எல்லாரையும்பார்க்க வைத்து அவர்களையும் அஜீத் ரசிகனாக உருமாற்றினான்.. ஏற்கனவே சுசி மற்றும்அவன் கூட்டத்தினர் மேல் கடுப்பில் இருந்த இவர்கள் , சுரேஷ் அவர்கள்கூட்டத்தில் இருந்து வந்தால் போதும் என்ற நினைப்பில் தங்களை அஜீத் ரசிகர் படையில்இணைத்து கொண்டனர்...

வில்லன் படமும் பகவதியும் ஒன்றாக வெளிவந்தபோதுதான் இவர்களுக்குள் முதல் மோதல்வெடித்தது , இரு திரைபடங்களும் அருகருகேஇருக்கும் திரையரங்குகளில் வெளிவந்தது, வில்லன் படத்துக்கு பெரிய அளவில் கூட்டம் திரண்டு நிற்க, ஷாஜகான் தமிழன் போன்ற படங்களின்தாக்கத்தால் பகவதிக்கு சொல்லிக்கொள்ளும் கூட்டம் இல்லை... இதை பார்த்த சுரேஷ்கோஷ்டியில் ஒருவன் , “என்னடா உங்க தளபதிக்குகூட்டமே இல்லையா, பேசாம எங்க தலைக்குஅல்லக்கையா ஒரு படத்துல நடிக்க சொல்லு உங்காளுக்கும் கூட்டம் கூடும்” என்று நக்கல் பண்ண அன்று இரவு ஊருக்குள் மினி கலவரமேஉருவானது... தன் தலைவனை அசிங்கபடுத்தி விட்டார்களேஎன்ற துக்கத்தில் அன்று தூக்கத்தை தொலைத்த சசுசியால் அடுத்த வருடம் தீபாவளிக்குஆஞ்சநேயா வந்து மூன்றே நாட்களில் கூட்டம் குறைந்து விட “என்னங்கடா உங்க ஆளு படத்துக்கு கூட்டமே இல்லையாமே , பேசாம எங்க தளபதிக்கு உங்க தலயை ஜோடியா நடிக்கசொல்லுங்க , கூட்டம் கூடும் “ என்றுபதிலுக்கு அவர்களை நக்கல் அடித்த பின்னர்தான்நிம்மதியாக தூங்கமுடிந்தது...இப்படிஅஜீத் படம் ஓடினால் அவர்கள் இவர்களைஅசிங்கபடுத்துவதும் , விஜய் படம் ஓடினால் இவர்கள்அவர்களை அசிங்கபடுத்துவதுமாக தங்களை அறியாமல் ஒருவருக்கொருவர் வெறியேற்றிக்கொண்டு அலைந்தனர்...

மங்காத்தா படம்வெளிவந்த நாள், அஜித்தின்அம்பதாவது படம் என்பதால் சுரேஷ் கோஷ்டி பயங்கர உற்சாகத்துடன் படம் பார்க்கவந்திருந்தனர்... தங்கள் தலைவனின் அம்பதாவது படம் ஊத்திய வருத்தத்தில் இவனின்படமும் ஓடிவிடக்கூடாது என்ற ஆவலோடு சுசி கோஷ்டியினரும் அதே திரையரங்கிற்குள் நுழைந்தனர்... படம் ஆரம்பித்து தல போலீஸ் உடையில் தொப்பையோடு நடந்துவந்தார்... யே இங்க பாருடா சிரிப்புபோலீஸ என்று சுசி கோஷ்டியில் ஒருவன் நக்கல் அடிக்க , சுரேஷ்கோஷ்டியினருக்கு கோபம் தலைக்கெறியது , உடனேஅவர்களுக்கு பதிலடி கொடுக்க வேண்டும் என்று தோன்றினாலும் , அசல்,ஏகன் கொடுத்த அனுபவத்தால் அமைதியானார்கள்... ஆனாலும் இடைவேளை முடிந்து மச்சி ஓபன் தி பாட்டில்பாடல் முடிந்ததும் படம் உறுதியாக ஹிட் என்று தெரிந்தவுடன் அதற்க்கு மேல் அமைதி காக்க முடியாமல் சுரேஷ்கோஷ்டியில் ஒருவன் எழுந்து “ டேய் அம்பதாவது படம்னா இப்படி இருக்கணும்டா... உங்கதளபதியை எங்க தல ***தை பிடிச்சி ***ப சொல்லுங்கடா” என்று கத்த , இதை கேட்டவுடன்ஒருவிதமான பரவச நிலையில் தியேட்டர் முழுவதும் இருந்த ஆயிரக்கணக்கான தல ரசிகர்களும்சேர்ந்து கத்த , சுசி கோஷ்டியினர்க்கு பெரிய அவமானமாகிவிட்டது...

(தொடரும்)

"வேலாயுதம் வரட்டும்" – எக்ஸ்பிரஸ் தொடர்கதை

2011-10-16T12:12:00.000+05:30

(இது என்னுடைய 200 ஆவது பதிவு ... என்னுடைய வலைப்பூவில் கதைகள் எழுத வேண்டும் என்பது என்னுடையநீண்ட நாள் ஆசை... அதை இந்த 200 ஆவது பதிவில்நிறைவேற்றிவிட வேண்டும் என்ற முனைப்பில் எழுதிய கதை இது .. ஆனால் எழுத ஆரம்பித்தவுடன்கதை இழுத்து கொண்டே போக இதை ஒரு மினி தொடர்கதையாக மாற்றி விடலாம் என்று முடிவு செய்தேன் ... நான் இதற்க்குமுன்னர் கதைகள் எழுதியதில்லை , இதுதான் என் கன்னி முயற்சி... எனவே இது எவ்வளவு மொக்கையாக இருந்தாலும் கொஞ்சம் பொறுத்துக்கொள்ளவும்.. )

ஊரே தேர்தல் ஜூரத்தில்இருந்தது , இந்த முறை யார் ஊராட்சிதலைவர் தேர்தலில் வெற்றி பெருவார்கள் என்பதுதான் இப்போதைக்கு அந்த ஊரில் எல்லாருக்கும்இருக்கும் ஒரே எதிர்பார்ப்பு.. வழக்கம் போல இம்முறையும் சத்தியனுக்கும் , பாலமுருகனுக்குமே போட்டி.. தற்போதைய தலைவர் சத்தியன் இம்முறையும் வெற்றிபெற்று விட்டால் அடுத்த முறை இது தலித்தொகுதி ஆகிவிடும் . போட்டியே இல்லாமல் அடுத்த முறையும் அவரே வந்து விடலாம். எனவே ஏதாவது களவாணிதனம் செய்தாவது வென்று விட வேண்டும்என்று முனைப்புடன் செயல்பட்டது அவர் கோஷ்டி... பல ஜாதிக்காரர்கள் வாழ்ந்து கொண்டிருக்கும்ஒரு ஊரை தொடர்ந்து மூன்று முறை ஒரே சாதிக்காரன் ஆளுவதா? விடக்கூடாது , இம்முறை அவனை தோற்கடித்து நம் சாதிபலத்தை காட்டியே ஆகவேண்டும் என்ற முனைப்புடன்எதிர்க்கோஷ்டியும் சூறாவளியாய் சுழன்று கொண்டிருந்தது...

சமத்துவபுரத்துக்கு சிறந்தஉதாரணம் அந்த ஊர்... தெற்குபுறம் தலித்துகளும் , நடுவில் தேவர்களும் , அவர்களை அடுத்து பிள்ளைகளும் , கடைசியாக வடக்கில் நாடார்களும் சரி சமமாக வாழும் ஊர் அது...நடு நடுவே நாயக்கர்களும் , செட்டிமார்களும்கணிசமான தொகையில் இருக்கிறார்கள்... அரசியல் கூட்டணியை போல ஊரில் எப்போதும் ஒரு ஜாதி கூட்டணி இருக்கும் .. ஆனால் அரசியவாதிகளைபோல இல்லாமல் இது நிரந்தர கூட்டணி...காலம்காலமாய் ஊரில் இருக்கும்நாடார் பள்ளிக்கூடத்தில் தலித் மாணவர்களும் , பிள்ளைமார் பள்ளிக்கூடத்தில் தேவர் ஜாதி மாணவர்களும் மட்டுமே படிப்பார்கள்... 60களின் ஆரம்பத்தில் காமராஜருக்கும் , தேவருக்கும் அரசியலில் நடந்த மோதலே இங்கு இந்த ஜாதி கூட்டணி உருவாக காரணம் ... பிள்ளைகளின் படிப்பிலேயே இப்படி என்றாள் ஆட்சி என்றாள் விட்டுவிடுவார்களா? சத்தியனுக்குஅவர் ஜாதி ஓட்டும் , நாடார் ஓட்டும் அப்படியே கிடைத்து விடும் , பாலமுருகனுக்கோ தேவர் ஓட்டும் , பிள்ளை ஓட்டும் கிடைத்து விடும்...இருவருமே சரிசமமாக இருப்பதினால் எப்பொழுதும் தேர்தல் களம் சூடாகவே இருக்கும்... 1200 தலப்பாகட்டு இருக்கும்ஊரில் சென்ற முறைகூட சத்தியனால் வெறும்ஆறு ஓட்டு வித்தியாசத்தில்தான் வெற்றி பெற முடிந்தது...அதனால் ஒவ்வொரு ஓட்டும் நமக்கு முக்கியம் மச்சிஎன்ற கொள்கையோடு இம்முறை இரண்டு கோஷ்டிகளும் ஓட்டு வேட்டையில்தீவிரமாக இறங்கி இருந்தன...

சுசி அந்த ஊருக்கு அருகில் இருக்கும் ஒரு காட்டன் மில்லில் வேலை பார்க்கும் இளைஞன்... 8 ஆம் வகுப்பு படிக்கும்போதே கூட படிக்கும் பெண்ணை ஒருதலையாக காதல் செய்துபடிப்பில் கவனம் செலுத்தாமல் கப் வாங்கி , இதுக்கு மேல தாங்காது என்று அவன் அப்பாவால் மில் வேலைக்கு சேர்த்துவிட பட்டவன்... அவன் தீவிரமாக காதல் செய்து கொண்டிருந்த சமயத்தில் , இளையதளபதி விஜய் காதலுக்கு மரியாதை தந்ததால் , அவர் பால் ஈர்க்கபட்டுஅவரின் தீவிர ரசிகனானவன்... அவனுக்கு படிப்புதான் ஏறவில்லையே தவிர மற்ற விஷயங்களில்பையன் படுகெட்டி ... அந்த ஊரில் இருக்கும் கிரிக்கெட் அணியில் அவன்தான் அதிரடி பேட்ஸ்மேன், தவிர கிணத்தில் நீச்சல் அடிப்பதில் ஆள் கில்லி... எவ்வளவு நேரம் வேண்டுமானாலும் நீருக்குள் மூச்சை அடக்கி கிடப்பான்... கபடியில் அவனை அமுக்கி பிடிக்க சுற்றுவட்டாரத்தில் ஆளே கிடையாது... இப்படிஅவனுக்குள் இருக்கும் பல திறமைகளால் அவனுக்கு ஊரில் ஒரு ரசிகர் கூட்டமே உருவாகி இருந்தது... தலைவன் எவ்வழியோ, தொண்டனும் அவ்வழியே என்பது போல் அவர்கள் அனைவருமே விஜயின் ரசிகர்களாக இவனால் உருமாற்றபட்டார்கள்...

அப்படி உருமாற்றபட்டவர்களில்ஒருவன் சுரேஷ்... இவன் சுசிக்கு அப்படியேநேர் எதிர், கபடி கிரிக்கெட் என்றுஎல்லா போட்டிகளிலும் உப்புக்குசப்பாணியாகவே இருப்பான்... ஆனால் படிப்பில் பயங்கர கெட்டி , பத்தாம் வகுப்பு தேர்வில் 2000 ஆம் ஆண்டில் அவன் எடுத்த 454மதிப்பெண்களை இதுவரை அந்த ஊரில் யாராலும் முறியடிக்கமுடியவில்லை... எனவே அவன் சார்ந்த ஜாதி பசங்களுக்குஅவன் ஒருவிதத்தில் கவுரவ சின்னம்...அவனுக்கு பங்காளி பசங்களும் அதிகம், இவர்கள்அனைவருக்கும் இவன்தான் தலைவன்.. ஆனால் சுரேஷோ சுசியை தன்தலைவனாக ஏற்று கொண்டு விஜயின் தீவிரரசிகனாக ஊருக்குள் உலவிகொண்டிருந்தான் அவன் நண்பன் ஜோஸெப்புடன் வாலி என்னும் படம் பார்க்கும்வரை...

(தொடரும்)

சினிக்கூத்து 10-10-2011

2011-10-10T15:49:00.003+05:30

ரா-ஒன்னில் ரஜினி ...இதுதான் இப்போதைக்கு தமிழ் சினிமா உலகில் ஹாட் டாபிக்... ஷாருக்கான் ரஜினியை தேடிபோய் இந்த படத்தில் நடிக்க அழைத்ததால் ரஜினி நடித்து கொடுத்திருக்கிறார்... ஆனால் இது சம்பந்தமாய் பதிவுகளில் ரஜினி ரசிகர்கள் அடிக்கும் கூத்துக்களுக்கு அளவே இல்லை... ஏதோரா ஒன் படம் ஒரு குப்பை படம் போலவும் , ஷாருக்நடித்திருப்பதால் அது ஓடவே ஓடாதும் என்றும் இப்பொழுது ரஜினி ஒரு காட்சியில்நடித்து விட்டதால் , இந்தியாமுழுவதும் அந்த படம் வசூலை வாரி குவித்து விடும் என்றும்வழக்கம் போல றெக்கை கட்டி பறக்கஆரம்பித்துவிட்டார்கள்... ரஜினி நடித்திருப்பதுபடத்திற்க்கு கூடுதல் மதிப்புதான் இல்லை என்று சொல்லவில்லை , ஆனால் அது மட்டுமே படத்தை மிக பெரிய வெற்றிஅடையசெய்து விடும் என்று சொல்லுவதுதான் வேடிக்கையாக இருக்கிறது... படம் வந்து பெரிய ஹிட் ஆகிவிட்டால் இவர்கள் ரஜினியால்தான் ஓடியது என்று சொல்லுவார்கள் , மீறி ஓடாவிட்டால் குசேலன் கதைதான்... இந்தியசினிமாவின் ஒரே உச்ச நட்சத்திரம்ரஜினிதான் , ஆனால் அதற்காக அவர்நடித்தால் மட்டுமே எந்த படமும் ஓடும், இல்லை என்றாள் ஓடாது என்று சொல்லுவதெல்லாம்முடியல சாமீ .. கண்ண கட்டுது .... முன்னொரு காலத்தில் ரஜினிக்கு பலமாக இருந்தஅவர் ரசிகர்கள் ஏனோ இப்பொழுது அவருக்கு பலவீனமாக மாறிவிட்டார்கள்.... ஆனால்ஒன்று உறுதி ரா-ஒன் மூலம் ஷாருக் தென்னிந்தியாவிலும் , ரஜினிவட இந்தியாவிலும் தங்கள் மார்க்கெட்டை இன்னும் கொஞ்சம்உயர்த்தி கொள்ளுவார்கள்... இது இருவருக்குமேதங்கள் அடுத்தடுத்த ப்ராஜக்ட்டில் பணம் சம்பாதிக்க உதவும்...

----------------------------------------------------------------------

“7 ஆம் அறிவு படம் வெளி வந்ததும் 700வருஷ பாரம்பரியம் மட்டுமே இருக்கும் அமெரிக்காகாரன் முன்னேறிய அளவுக்கு பல்லாயிரக்கணக்கானவருட பாரம்பரியம் கொண்ட தமிழன் முன்னேற முடியாமல்போன காரணம் தமிழனுக்கு புரியும்... படம்பார்க்கும் ஒவ்வொருவருக்கும் நான் தமிழன் என்னும் கர்வம் பிறக்கும் ” இப்படி ஏதோ ஏய்ட்ஸ் நோய்க்குமருந்து கண்டுபிடித்த விஞ்ஞானி லெவலுக்கு மேலே பேசி இருப்பவர் இயக்குனர் ஏ.ஆர்.முருகதாஸ்...

எனக்கு என்னமோ அவனுங்கஅவதார் எடுத்துட்டே அமைதியா இருக்கும்போது நாம 7 ஆம் அறிவுக்கே இப்படி ஓவரா பேசுறதுதான் தமிழன் முன்னேறாம இருக்க காரணம்னுதோணுது ...” அது சரி இதே படத்தை தெலுங்குளையும் , ஹிந்திளையும் ரீமேக் பண்ணும் போது என்ன வசனம்பேசுவீங்க?

----------------------------------------------------------------------------------------------------------------------------------

தீபாவளிக்குவேலாயுதம் ரிலீஸ் ஆகுதாம் , விஜய்படம் ரிலீஸ் ஆகுதுனாலே கண்டிப்பா அந்த சமயம் அவரை கேலி செய்து பல எஸ்‌எம்‌எஸ்கள் உலாவரும் , வேலாயுதத்தை சும்மா விட்டுவிடுவார்களா? இதோ எனக்கு வந்த சில “அணில்” புகழ் பரப்பும் எஸ்‌எம்‌எஸ்கள்...

வெண்ணிலா கபடிக் குழுபரோட்டா காமெடி ரீ-மேக்.

சின்ன டாகுடர் விஜய் : அப்பா போதும் 50 படம் ஃபிளாப் கொடுத்தாச்சு..

எஸ்‌ஏ‌சி : டேய் நல்லா எண்ணிப் பாருடா 49 தான்டா ஃபிளாப் கொடுத்திருக்கே..

சின்ன டாகுடர் விஜய் : நடிச்சஎனக்குத் தெரியாதா 50 படம்ஃபிளாப்னு?

எஸ்‌ஏ‌சி: டேய் படம் பார்த்த எனக்குத் தெரியாதா 49 படம் ஃபிளாப்னு?

சின்ன டாகுடர் விஜய் : முடியாது...முடியாது...நீங்க கள்ள ஆட்டம் ஆடறீங்க.. எல்லாடைரக்டர்களையும் கூப்பிடுங்க.. நான் மறுபடியும் நடிக்கிறேன்..

எஸ்‌ஏ‌சி : மறுபடியுமா????????????????????????????

**************************************************************************************

தளபதி: அண்ணே ஒருகாப்பி எவ்வளவு?

கவுண்டர் : ஒரு காப்பி 7 ரூபாய்..

தளபதி : பக்கத்து கடைக்காரன் ஒரு காப்பி 50பைசாதான்னு எழுதி ஒட்டியிருக்கான் ,நீ 7 ரூபாய் சொல்லுற , யார ஏமாத்த பாக்குற...

கவுண்டர் : டேய் காரசட்டி மண்டையா ..அந்த பீஸ் போன ரெண்டு கண்ணையும் நல்லா தொறந்து வச்சி படிச்சி பாரு ... அதுஜெராக்ஸ் காப்பி , இது ஃபில்டர்காப்பி .. நடிக்கவும் தெரியல , படிக்கவும்தெரியல ...

கவுண்டமணி : சரிஅதவிடு உன் வேலாயுதம் படத்தோட கதைய சொல்றா....

விஜய் : அண்ணா எனக்கு ஒரு தங்கச்சினா அதசமுக விரோதிகள் கொன்னுடரங்கனா அதுக்காக அவங்களை பழி வாங்கறேன்னா...

கவுண்டமணி : டே தீக்குச்சி தலையா உன்திருப்பாச்சி கதை என்னடா....

விஜய் : அண்ணா அதுலயும் எனக்கு ஒருதங்கச்சினா அத சமுக விரோதிகள் கொன்னுட கூடாதுன்னு அவங்களை பழி வாங்கறேன்னா...

கவுண்டமணி : இதுல என்னடா வித்தியாசம்....

விஜய் : சட்டை கலரை மாற்றிஇருக்கேன்னா...

கவுண்டமணி : தெரியுண்டா உன்ன பத்தி...ஆமாஇந்த சுறா படத்தோட கதையை சொல்றா...

விஜய் : மீனவ மக்களுக்காக வில்லனைஎதிர்த்து போரடுரன்னா...

கவுண்டமணி : டேய் டாக்கால்டி மண்டையா... உன்குருவி படத்தோட கதை என்னடா....

விஜய் : கடப்பால அடிமையாய் இருக்கிறமக்களுக்காக வில்லனை எதிர்த்து போரடுரன்னா...

கவுண்டமணி : இதுல என்னடா வித்தியாசம்....

விஜய் : ??????

கவுண்டமணி : டே டப்பா தலையா உன் வில்லுபடத்தோட கதை என்னடா....

விஜய் : என்னோட அப்பாவ தீவிரவாதிகள்கொன்னுடரங்கனா அதுக்காக அவங்களை பழி வாங்கறேன்னா...

கவுண்டமணி : டே அப்ப ஆதி படத்தோட கதைஎன்னடா....

விஜய் : என்னோட குடும்பத்தையே சமுகவிரோதிகள் கொன்னுடரங்கனா அதுக்காக அவங்களை பழி வாங்கறேன்னா...

கவுண்டமணி : இதுல என்னடா வித்தியாசம்....

விஜய் : ஆதில தலைல வெத்தல எச்சி துப்பிஇருப்பானுங்கனா...

கவுண்டமணி : டே அத ஓன் மூஞ்சில துப்பிஇருக்கனும் டா....ஆமா நீ எல்லா படத்தலையும் பிச்சகாரனா இருந்துகிட்டு பணக்காரபொண்ண லவ் பண்ற

விஜய் : அண்ணா எந்த படத்தனா சொல்லுரிங்க? சிவகாசியா திருமலையா இல்ல வில்லுவானா?

கவுண்டமணி : ஏன்டா ஒன்னலாம் யாருடாநடிக்க கூப்பிட்டா ஓடி போயிரு

(நம்ம பிளாக்ல நம்ம வாசகர் ஒருவர் முதல் முறையா என்னையும் ஒரு பிரபலபதிவருன்னு மதிச்சி அவர் பின்னூட்டத்தை ஒரு பதிவா போட சொன்னாரு ... அவர் எனதுஎண்ணங்கள் என்னும் பெயரில் பின்னூட்டம் இடும் நண்பர் ...அவர் எழுதிய பின்னூட்டம்தான் மேலே இருக்கும் ஜோக் ..எனவே இதை படித்து யாராவது கோபபட்டால் அவரிடம் சென்று சண்டையிடவும்...)

**************************************************************************************

இதெல்லாம் பரவாயில்லைபேஸ்புக்ல விஜய் ரசிகர்கள்னு சொல்லிக்கிட்டு ஒரு கும்பல் இருக்கு, அவனுங்க பண்ணுற இம்ஸைக்கு அளவே இல்லை... அவனுங்க பேஸ்புக்ல இருந்து எனக்கு ஒரு மெயில் அனுப்பி இருந்தாணுக..

"Hi Raja,

Vinoth invited you to VELAYUTHAM FIRST DAY FIRSTSHOW- DEEWALI MASS

RELEASE.VELAYUTHAM FIRST DAY FIRST SHOW- DEEWALI MASSRELEASEWednesday, October 26 at

6:00amLocation: ANY THEATRE ACROSS THE WORLDAre you attending? Yes - No - MaybeRemove from My

EventsThanks,The Facebook Team...."

இந்த மெயில படிக்கிறப்ப எனக்கு எமன் எதிர நின்னுபாசக்கயிர வீசுர மாதிரியே இருந்தது... அண்ணே வினோத் , சாவுரதுன்னா தனியா போய் சாக வேண்டியதுதான , அது ஏண் துணைக்கு என்னையும் கூப்பிடுறீங்க? உங்க அளவுக்கு எனக்கு மனதைரியம் கிடையாதுன்னே ... மக்களே இந்த மரண அழைப்பிதழ் உங்களுக்கும்வரலாம் ... பாத்து சூதானமா இருந்துக்கோங்க ...